დღეს წარმოგიდგენთ ვიდეოჩანაწერებს, რომლებშიც ჩვენი საყვარელი მსახიობები უცხო ენის შესანიშნავად ცოდნით გაგაოცებენ. უყურეთ და კიდევ ერთხელ დარწმუნდით მათ უსაზღვრო ნიჭიერებაში.
1. ნატალი პორტმანი – ებრაული
ნატალი პორტმანი ებრაელია, თუმცა ცხოვრების დიდი ნაწილი ისრაელში არ გაუტარებია. ამას ხელი არ შეუშლია მსახიობისთვის, სრულყოფილად შეესწავლა ებრაული ენა. ის ხშირად იძლევა ივრითზე ინტერვიუებს და ყველას აოცებს ამ საკმაოდ რთული ენის შესანიშნავი ცოდნით.
ებრაულის გარდა ნატალი ფლობს ფრანგულ, ესპანურ, გერმანულ, იაპონურ და არაბულ ენებს. ის ნამდვილი პოლიგლოტია.
2. ბრედლი კუპერი – ფრანგული
ბრედლი კუპერს ხშირად უწოდებენ “ცოცხალ მამაკაცებს შორის ყველაზე სექსუალურს” და ძნელია ამას არ დაეთანხმო, მით უმეტეს, რომ ის ბრწყინვალედ ფლობს ყველაზე სექსუალურ ენად აღიარებულ ფრანგულს.
3. ლეონარდო დიკაპრიო – გერმანული
გერმანულ-იტალიური წარმოშობის ლეო ორივე ენაზე მშვენივრად საუბრობს.
4. ჯოზეფ გორდონ-ლევიტი — ფრანგული
ჯოზე გორდონ-ლევიტი თვითაღიარებული ფრანკოფილია. ის ფრანგული ენით სერიოზულად კოლუმბიის უნივერსიტეტში ფრანგული პოეზიის შესწავლის შემდეგ დაინტერესდა. მსახიობი სრულყოფილად საუბრობს ამ ენაზე.
5. სანდრა ბულოკი – გერმანული
სანდრა ბულოკმა ბავშვობის დიდი ნაწილი გერმანიაში გაატარა. დედამისი გერმანული წარმოშობის ოპერის მომღერალი იყო და შვილსაც სრულყოფილად შეასწავლა ეს ენა.
6. კოლინ ფერტი – იტალიური
ფილმში რეალური სიყვარული, კოლინ ფერტის გმირი ცდილობს, პორტუგალიური ისწავლოს, რათა საყვარელ ქალს ესაუბროს. ეს ამბავი მსახიობის რეალურ ისტორიას ჰგავს: კოლინმა იტალიურის სწავლა თავისი მომავალი მეუღლის, ლივია ჯიუჯოლის გაცნობის შემდეგ დაიწყო. დღეს ის ისევე სრულყოფილად საუბრობს იტალიურად, როგორც თავის მშობლიურ ინგლისურზე.
7. გვინეთ პელტროუ – ესპანური
გვინეთს ხშირად აღუნიშნავს, რომ ევროპა მშობლიურ ამერიკაზე მეტად მოსწონს. გვინეთმა 15 წლის ასაკში დაიწყო ესპანური ენის შესწავლა და ამჟამად ის თავისუფლად ფლობს ამ ენას, ხოლო ესპანურენოვან ფანებს კი აოცებს და ახარებს ესპანური საუბრით.
8. უილ სმიტი – ესპანური
უილ სმიტმა ესპანური სკოლაში ისწავლა და დროთა განმავლობაში საკმაოდ დახვეწა ამ ენაზე საუბარი.
9. ტომ ჰიდლსტონი – ფრანგული
ბრედლი კუპერს კონკურენტი გამოუჩნდა! უნიჭიერესი და უსექსუალურესი ტომ ჰიდლსტონი არამარტო ფრანგულად საუბრობს, არამედ საკმაოდ კარგად ფლობს ესპანურს. იცის სიტყვები ძველბერძნულად, იტალიურად, გერმანულად, რუსულად, ჩინურად და კორეულადაც კი. ნამდვილი ღმერთკაცია!
10. ვიგო მორტენსენი – დანიური და კიდევ ოთხი ენა!
ვიგო მორტენსენი პოლიგლოტ მსახიობებში ნამდვილი ჩემპიონია. მას მრავალეთნიკური წარმოშობა აქვს: მისმა ამერიკელმა დედამ და დანიელმა მამამ ერთმანეთი ნორვეგიაში გაიცნეს. ვიგოს დაბადების შემდეგ ოჯახი საცხოვრებლად ვენესუელაში გადავიდა, შემდეგ დანიაში, შემდეგ კი არგენტინაში, სადაც ვიგო მორტენსენი 11 წლამდე ცხოვრობდა. საბოლოოდ ვიგომ ამერიკაში, ნიუ-იორკში გადასახლება გადაწყვიტა. ასეთი მრავალფეროვანი ცხოვრების წყალობით ვიგო ხუთ ენაზე თავისუფლად ლაპარაკობს: ინგლისურად, დანიურად, ესპანურად, ფრანგულად და იტალიურად. გარდა ამისა, მას კარგად ესმის ნორვეგიული და შვედური.
