რამდენიმე დღის წინ მსმენელი სოულის დედოფალს, ლეგენდარულ არეტა ფრანკლინს გამოემშვიდობა. მომღერალი 76 წლის ასაკში, პანკრეასის სიმსივნით გარდაიცვალა.
მან, რა თქმა უნდა, უდიდესი შემოქმედებითი მემკვიდრეობა დატოვა და მათი ნაწილი ჩვენს საყვარელ ფილმებშიც არაერთხელ გაჟღერებულა:
1. ძმები ბლუზები – Think
ეს შემთხვევა ერთ-ერთი იმ გამონაკლისთაგანი იყო, როდესაც ფილმში არა მხოლოდ არეტას ხმა გაისმა, არამედ ის ეკრანზეც გამოჩნდა და მოცეკვავეებთან ერთად მაყურებელს შესანიშნავი წარმოდგენა შესთავაზა.
2. წმინდა ელმოს ჩირაღდანი – Respect
მისი ხმა ისეთი ქარიზმატული და ძლევამოსილი იყო, რომ ყველაზე მოულოდნელ ადამიანებსაც კი საკუთარი გავლენის ქვეშ აქცევდა. გამონაკლისი, რა თქმა უნდა, არც ენდრიუ მაკარტის პერსონაჟი ყოფილა.
3. მაგარი ბიჭები – baby, I love you
მარტინ სკორსეზეს ლეგენდარული ფილმი განგსტერებზე ნამდვილად გამოირჩევა შესანიშნავი საუნდტრეკებით, რომლებიც იდეალურად ეხამება ამა თუ იმ ეპიზოდს. ფრანკლინის სიმღერის ფონზე ჩვენ ვხედავთ ფილმის მთავარ პერსონაჟებს, რომლებიც თავს ძალიან კარგად გრძნობენ, თუმცა ეს ყოველივე დიდხანს არ გრძელდება.
4. პარიზი იწვის – Who’s zoomin’ who
ნიუ იორკის შესახებ გადაღებულ ერთ-ერთ ყველაზე რეალისტურ ფილმში ჩვენ ვიგებთ, თუ როგორ ენიჭება ძველ, პოპულარულ სიმღერებს ახალი მნიშვნელობა. სწორედ ამ ტრანსფორმაციის ერთ-ერთი იდეალური მაგალითია არეტა ფრანკლინის ეს შესანიშნავი კომპოზიციაც.
5. მთვარის შუქი – One step ahead
როდესაც შირონი გადაწვეტს, რომ დიდი ხნის უნახავ მეგობარს შეხვდეს, ის დროებით ივიწყებს ცუდი ბიჭის იმიჯს და თავს უფლებას აძლევს, რომ საკუთარი ემოციები გამოხატოს. ამ სცენაში ასახული ცვლილების კიდევ უფრო გასამძაფრებლად კი ხმამაღალ ჰიპ-ჰოპს იდეალურად ცვლის არეტა ფრანკლინის მომნუსხველი მელოდია.
