როგორც გახსოვთ, გასართობმა პორტალმა BuzzFeed თავისი ერთგული მომხმარებლები (BuzzFeed Community) მეტად საინტერესო თემაზე გამოჰკითხა – თუ რომელმა კინოსცენებმა მოახდინეს მათზე განსაკუთრებული შთაბეჭდილება. კინომოყვარულებმა სიამოვნებით გაიხსენეს ასეთი მომენტები და შედეგად, მივიღეთ კინოისტორიაში ყველაზე ემოციური, ამაღელვებელი და დაუვიწყარი სცენების ვრცელი ჩამონათვალი.
ჩვენი მკითხველი უკვე გაეცნო კინომოყვარულების მიერ შედგენილი სიის პირველ ნაწილს. დღეს ამ ჩამონათვალის მეორე ნაწილს წარმოგიდგენთ. ერთად გავიხსენოთ დაუვიწყარი კინომომენტები და ვისიამოვნოთ ძლიერი, ემოციური და დასამახსოვრებელი სცენებით.
რობი დიუნკერკის საევაკუაციო ბანაკში მოხვედრის მთლიანი სცენა ერთი უწყვეტი კადრითაა გადაღებული. ჯო რაიტის დიდებული ნამუშევარი მართლაც ერთ-ერთი ყველაზე მშვენიერი “უწყვეტი ხანგრძლივი სცენაა” კინოისტორიაში.
ლეგენდარული ფილმის ლეგენდარული სცენა – მაყურებლის თვალწინ გათამაშებული მოვლენები ნათლად აჩვენებს, თუ როგორ გარდაიქმნება მაფიის ულმობელ ბოსად მაიკლ კორლეონე, რომელიც ამას საერთოდ არ აპირებდა. უნაკლოდ გადაღებული და დამონტაჟებული სცენა გვიჩვენებს მაფიოზებისა და პოლიციელების შეტაკებას, პარალელურად კი მაიკლის დისშვილის ნათლობაა. ეს სცენა ყოველ ნახვაზე საოცარ შთაბეჭდილებას ტოვებს.
ეს ფილმი მთლიანად დაუვიწყარი სცენების ნაკრებია, მაგრამ აღნიშნული სცენა კინემატოგრაფიული სრულყოფილებაა. იუმორი, დიალოგები, ვიზუალი – შეუძლებელია ნოსტალგიური და ხალისიანი განწყობა ერთდროულად არ დაგეუფლოთ.
შესანიშნავი ანიმაცია, მუსიკა, გამოსახულება – ეს ყველაფერი კინოისტორიაში ერთ-ერთ ულამაზეს სცენას ქმნის. სცენა ზუსტად გადმოგვცემს მთლიანად ფილმის არადედამიწურ და რომანტიკულ განწყობას.
ეკრანზე იშვიათად თუ დაინახავთ ზვიგენს, მიუხედავად იმისა, რომ მთელი ფილმი ზვიგენის შიშითაა გაჟღენთილი. ფილმში შექმნილი დაძაბული გარემო მაყურებელს აჯერებს, რომ საშინელი მტაცებელი მართლაც მათ ახლომახლო დაცურავს. კუინტის (რობერტ შოუს) მონოლოგი კი, სადაც ის ზვიგენზე ლაპარაკობს, კინოისტორიაში ერთ-ერთი საუკეთესოა.
ამ სცენაში ფრანგები ერთობლივად ასრულებენ თავიანთ ეროვნულ ჰიმნს – “La Marseillaise”-ს, რითაც ნაცისტების სიმღერას გადაფარავენ. განსაკუთრებულ სიძლიერეს ამ სცენას ის ფაქტი ანიჭებს, რომ ფილმი 1940-იანებშია გადაღებული და ნაცისტური რეჟიმის მიერ საფრანგეთის ოკუპაცია რეალური ისტორიული მოცემულობა იყო. ვიშისტურ საფრანგეთში აკრძალული იყო “მარსელიეზას” სიმღერა და ამიტომ აღნიშნულ სცენას განსაკუთრებული დატვირთვა აქვს.
მოულოდნელი, შოკისმომგვრელი, მრავალმნიშვნელოვანი სცენა, რომლის ყურებისასაც შეიძლება დაძაბულობისგან ვერც კი ამოისუნთქოთ. მეთ დეიმონისა და ლეონარდო დიკაპრიოს შესანიშნავი დუეტი ამ სცენას კიდევ უკეთესს ხდის.
სცენა, რომელშიც დენზელ ვაშინგტონის პერსონაჟს შოლტავენ, იმდენად გულისგამგმირავია, მასავით ვერ შეიკავებთ ცრემლებს. მსახიობი საოცარი ოსტატობით ახერხებს ემოციების მთელი კასკადის გადმოცემას და ის ერთადერთი ცრემლი, რომელიც გადმოუვარდება, თითქოს ტყვიას გვაჭედებს.
კინოს ისტორიაში ძნელად მოიძებნება სცენა, რომლის სპონტანური განვითარებაც ასე შოკისმომგვრელად მოქმედებს. შეყვარებული გვრიტების დიალოგი, რომელიც წამის მესაედში ძარცვად გარდაიქმნება, უბრალოდ მშვენიერებაა. დაუვიწყარი დიალოგი კი, ტარანტინოს სტილში, ამ სცენას კიდევ უფრო სრულყოფილს ხდის.
კორმაკ მაკარტის რომანის მიხედვით გადაღებული ფილმის სცენარი მთლიანად უძლიერესია, მაგრამ დიალოგის ეს სცენა ისეთი მძაფრი და სპეციფიკურია, ხავიერ ბარდემი კი იმდენად სრულყოფილად თამაშობს, შეუძლებელია თვალი მოაშოროთ.
ფილმის პირველი სცენა, როცა ჰანს ლანდა ფრანგ ფერმერს მიაკითხავს, უბრალოდ გასაოცარია. სასპენსით, დაძაბულობით სავსე სცენაში ყოველ დეტალს, ჰანსის საუბრიდან დაწყებული, სიგარტის მოკიდებით დამთავრებული, თავისი დატვირთვა აქვს. ისიამოვნეთ:
