მას შემდეგ, რაც აჭარანეტზე “უსასრულობის ომი” დაიდო, ფილმმა მაყურებელში უამრავი კითხვა და თავსატეხი გააჩინა. ყველაზე მეტი გაუგებრობა კი, რა თქმა უნდა დასასრულთან დაკავშირებით შეიქმნა.
ამ სტატიაში ჩვენ ვეცდებით, გაჩენილ კითხვებს ვუპასუხოთ და ავხსნათ, თუ რას ნიშნავს ფილმის ასეთი დასასრული:
ალბათ გემახსოვრებათ, რომ ფილმი თანოსის თითის დატკაცუნებით დამთავრდა, რამაც ნახევარი სამყაროს გაქრობა გამოიწვია: მათ შორის იყვნენ სპაიდერ მენი, შავი პანტერა, სკარლეტ ვიჩი, სტარ ლორდი, დრაქსი, გრუტი
და რა თქმა უნდა თავად დოქტორ სტრეინჯი, რომლის უკანასკნელი სიტყვები იყო: “სხვა გზა არ მქონდა”
რას გულისხმობდა სტრეინჯი? პასუხის მოსაძებნად რამდენიმე სცენით ადრე უნდა დავბრუნდეთ, როდესაც დოქტორ სტრეინჯმა 14 მილიონზე მეტ პარალელურ სამყაროში იმოგზაურა , ხოლო როცა აირონ მენმა კითხა, რამდენში გავიმარჯვეთო, მან უპასუხა: “ერთში”
ანუ შეგვიძლია ვივარაუდოთ, რომ სტრეინჯის ყოველი შემდეგი მოქმედება არის გეგმის ნაწილი, რომელიც გუნდს იმ ერთადერთ გამარჯვებამდე მიიყვანს.
ეს გეგმა კი თანოსთან ტიტანზე ბრძოლის სცენით იწყება, როდესაც გმირებმა ერთობლივი ძალებით თითქმის შეძლეს და გახადეს მას ხელთათმანი, მაგრამ სინამდვილეში ხელთათმანის გახდა საერთოდაც არ იყო ამ ბრძოლის მიზანი.
საქმე იმაშია, რომ სტრეინჯმა თავიდანვე იცოდა, რომ თანოსი ყველაფრის მიუხედავად მაინც მოიპოვებდა ექვსივე ქვას, უბრალოდ მას სურდა მოვლენები კონკრეტული მიმდევრობით წარმართულიყო.
პირველ რიგში თანოსს აუცილებლად უნდა ებრძოლა დროის ქვის მოსაპოვებლად. სადაც ტონი სტარკი დაინახავდა, რომ მას სისხლი წამოუვიდა, ანუ მისი მოკვლა შესაძლებელია.
ხოლო შემდეგი ნაბიჯი იმ გმირების ცოცხლად დატოვება იყო, რომლებიც საბოლოოდ თანოსის დამარცხებას შეძლებენ.
როგორც გვახსოვს, თანოსი თითის დატკაცუნებით სამყაროს ზუსტად ნახევარს შემთხვევითობის პრინციპით ანადგურებს. მაგრამ ამ შემთხვევაში, შეიძლება ითქვას, რომ სწორედ დოქტორ სტრეინჯმა აირჩია, თუ ვინები გადარჩებოდნენ.
მათ შორის პირველი ტონი სტარკი იყო. სტრეინჯმა ერთი შეხედვით არარაციონალური გადაწყვეტილება მიიღო, როდესაც ის დროის ქვის სანაცვლოდ გადააჩინა. ამ აზრს ამყარებს დოქტორის ეს დიალოგი აირონ მენთან:
“შეეცადეთ გაიგოთ, თუ არჩევანი თქვენს, იმ ბავშვსა და ქვას შორის მექნება გასაკეთებელი, ყოველგვარი ყოყმანის გარეშე, ქვას ავირჩევ. არ ვხუმრობ, რადგან სასწორზე, სამყაროს მომავალი დევს!“
მაგრამ როგორც ჩანს პარალელურ სამყაროებში მოგზაურობამ კამბერბეჩის პერსონაჟი დაარწმუნა, რომ აირონ მენის სიცოცხლე უფრო მნიშვნელოვანია, ვიდრე ქვა.
ტონი სტარკთან ერთად მტვრად ქცევას ასევე გადაურჩნენ კაპიტანი ამერიკა, ბლექ ვიდოუ, ბრიუს ბენერი, თორი და სავარაუდოდ ჰოუკაი, რომელიც ამ ფილმში არ გამოჩენილა.
ანუ დოქტორმა აირჩია რეალობა, სადაც შურისმაძიებლები ორიგინალური შემადგენლობით, მთლიანად გადარჩებოდნენ.
მათ ემატებათ ნებულა, რომელიც კომიქსების მიხედვით, გადამწყვეტ როლს თანოსის დამარცხებაში ასრულებს
და ასევე ისეთი პერსონაჟები, როგორებიც არიან, ვორმაშინი, როკეტი, შური, ოკოიე, ემბაკუ,
სავარაუდოდ მათ სიას შეემატება ანტმენი და ასევე კაპიტანი მარველი, რომელიც ფილმის ბოლოს ნიკ ფიურიმ გამოიძახა.
ეს არის გმირების ის სავარაუდო შემადგენლობა, რომელიც ევენჯერების მორიგ ფილმში აუცილებლად უნდა ვიხილოთ.
ასე რომ რაღა დაგვრჩენია, გარდა იმისა, რომ დაველოდოთ, მარველის ზუსტად ასეთი თუ არა, მიახლოებით ასეთი მასშტაბის მორიგ ფილმს და ვისიამოვნოთ.
ყოველი შემთხვევისთვის, გთავაზობთ ჩვენი რუბრიკის ვიდეო ვერსიას:
#ვერგავიგე? ჩვენი რუბრიკის ახალ ვიდეოში "შურისმაძიებლები: უსასრულობის ომის" დასასრულს ვხსნით ^_^
Posted by adjaranet.com on შაბათი, 11 აგვისტო, 2018
