(ბლიც-ინტერვიუ ნიაზ ხუციანიძესთან)
შენს რომელ პერსონაჟთან გქონია ყველაზე მეტი საერთო?
ყველა პერსონაჟთან მიპოვია რაღაც საერთო, თუმცა, ძალიან რომ მგავდეს, ასეთი გმირი ჯერჯერობით არ მითამაშია.
როგორი ხარ კადრს მიღმა, ყოველდღიურ ცხოვრებაში?
ვცდილობ, კარგი ადამიანი ვიყო. ვცდილობ, პოზიტიური ვიყო და ამ ქვეყანაში არ ჩამიქრეს ენთუზიაზმი და იმედი, რომ ოდესმე კინოში ბევრი სამუშაო გვექნება.
რა არის შენი განსაკუთრებული თვისება?
მოსიყვარულე და ერთგული ვარ.
რომელია შენი საოცნებო როლი?
საოცნებო როლის რა გითხრათ, მაგრამ რიდლი სკოტთან ვიმუშავებდი.
ყველაზე უჩვეულო რა გაგიკეთებია?
ასე ვერ ვიტყვი. თუმცა, პატარ-პატარა უჩვეულობებს ყველანი ვაკეთებთ. ამითაა ცხოვრება საინტერესო.
მხოლოდ ერთი მომენტის დატოვება რომ შეგეძლოს, რომელ მომენტს დატოვებდი შენი ცხოვრებიდან?
როცა ჩემი ახალდაბადებული შვილი დამაწვინეს გულზე. უცნაური გრძნობა იყო, საოცარი ემოცია… სიტყვებით ვერ გადმოვცემ.
რომელ ლიტერატურულ პერსონაჟს ჰგავხარ ყველაზე მეტად?
როგორც წესი, ყველა ასაკში სხვადასხვა პერსონაჟი დომინირებს. რამდენიმე წლის წინ ზამზა მოვიშორე.
ოქროს თევზი რომ იპოვო, რას სთხოვ?
ამაზე ბევრი მიფიქრია და ბოლოს თავის ტკივილამდე მივდივარ. ასე რომ, ოქროს თევზებზე აღარ ვფიქრობ, ზღაპრის გმირივით რომ არ მომივიდეს.
ვის გამო გადადგამ მთას?
რა თქმა უნდა, ოჯახის.
რითი შეიძლება მოგხიბლოს ქალმა?
ნიჭიერებით, გონიერებით, დიდსულოვნებით, სილამაზით…
რომელ მსახიობთან ერთად გაივლიდი წითელ ხალიჩაზე?
მთავარია, რა სტატუსით იქნები წითელ ხალიჩაზე და რა გააკეეთე, თორემ ეგ ნაკლებად მნიშვნელოვანია.
