დღეს ლაიფციგში რიგით მე-60 დოკუმენტური და ანიმაციური ფილმების ფესტივალი გაიხსნა. საიუბილეო კვირეული 5 ნოემბრამდე გასტანს და საერთაშორისო პროექტებთან ერთად ქართული ფილმების ჩვენებებსაც უმასპინძლებს.
პრესტიჟულ კინოფორუმზე წელს ქართულ ნამუშევრებს საგანგებო სექცია მიეძღვნება, სახელწოდებით “იმპორტი და ექსპორტი – ქართული კინო საზღვრებს შორის” და მის ფარგლებში 11 დოკუმენტური და 2 ანიმაციური ფილმი იქნება ნაჩვენები. აღნიშნული პროგრამა ქართველი რეჟისორის და პროდიუსერის – ზაზა რუსაძის კურატორობით შეიქმნა. ასევე, ზემოთხსენებული კინოჩვენებების ციკლი გერმანიის კიდევ ოთხ ქალაქში გაიმართება.
საქართველოდან წარმოდგენილი ფილმების სექციაში შემდეგი დოკუმენტური ნამუშევრები იქნება ნაჩვენები:
- 2+2=22 – რეჟისორი: ჰაინც ემიგჰოლცი. 2017 (საქართველოში გადაღებული გერმანული წარმოება)
- ალცნეი – რეჟისორი: ნინო ორჯონიკიძე, ვანო არსენიშვილი. 2009
- მზის ქალაქი – რეჟისორი: რატი ონელი. 2017
- არ ისუნთქო – რეჟისორი: ნინო კირთაძე. 2014
- გამოსვლა – რეჟისორი: ვახტანგ ჯაჯანიძე. 2015
- მადონა – რეჟისორი: ნინო გოგუა. 2014
- მზიანი ღამე – რეჟისორი: სოსო დუმბაძე. 2017
- სოვდაგარი – რეჟისორი: თამთა გაბრიჩიძე. 2016
- დაისის მიზიდულობა – რეჟისორი: სალომე ჯაში. 2016
- მანქანა, რომელიც ყველაფერს გააქრობს – რეჟისორი: თინათინ გურჩიანი. 2012
- როცა დედამიწა მსუბუქია – ავტორები: სალომე მაჩაიძე, თამუნა ქარუმიძე, დავით მესხი. 2015
ფესტივალის ანიმაციური ფილმების ნაწილში დათო კიკნაველიძის “ჰორიზონტი” (2017) და ნათია ნიკოლაიშვილის ანიმაციური ფილმი “ლილე” (2017) იქნება წარმოდგენილი.
