Warner Bros.-მა რამდენიმე ხნის წინ ბეტმენსა და ჯოკერზე შექმნილი ახალი ფილმის გადაღება დააანონსა და ყველასთვის სიურპრიზი აღმოჩნდა სავარაუდო პროდიუსერთა სიაში მარტინ სკორსეზეს ხილვა. ლეგენდარული რეჟისორის პროდიუსერად მოწვევით სტუდია იმედოვნებს, რომ იგი თავის დიდი ხნის ნაცნობსა და ფავორიტ მსახიობს კომიქს-ფრენჩაიზების სამყაროში შემოიტყუებს.
რასაკვირველია, სკორსეზეს ჩართვა ჯოკერის თემაზე გადასაღებ ფილმში, რომელსაც ტოდ ფილიპსი (“წვეულება ვეგასში”) გადაიღებს, ხაზს უსვამს სტუდიის განსაკუთრებულ ყორადღებას ამ ჟანრის მიმართ და მზადყოფნას, გადაიღოს კრისტოფერ ნოლანის შავი რაინდის ტრილოგიის მსგავსი წარმატებული ფილმები.
როგორც ცნობილია, დიკაპრიოსთვის ჯერ არ მიუმართავთ შეთავაზებით და არც სკორსეზეს პროდიუსერობის დეტალებია ცნობილი. მაგრამ ამ ნაბიჯით შეგვიძლია დავასკვნათ, რომ სტუდია სერიოზულად უყურებს კომიქსების ეკრანიზების თემას და მასში სახელგანთქმული რეჟისორებისა და მსახიობების ჩართვას აპირებს. უორნერ ბრაზერსს, სკორსეზეს და დიკაპრიოს ჯერჯერობით ამ საკითხზე კომენტარი არ გაუკეთებიათ.
