ვუდი ალენის მეუღლემ, სუნ-ი პრევინმა დუმილი დაარღვია. მან ისაუბრა თავისი სკანდალური ბიოგრაფიის მქონე ქმრისა და მისი ყოფილი პარტნიორის, მია ფეროუს ურთიერთობის შესახებ.
პრევინი ამტკიცებს, რომ ალენის შვილობილის, დილან ფეროუს ბრალდებები სიცრუეა და ამ ყველაფრის უკან სწორედ მია დგას.
სუნ-ი სიჩუმეს ამჯობინებდა მას შემდეგ, რაც 1997 წელს მისმა და რეჟისორის ქორწინებამ ყველა გააოგნა. ეს ბუნებრივიც იყო, რადგან ამ დროს ალენი 62 წლის, ხოლო პრევინი 27 წლის იყო და ამავდროულად მისი დედობილი ფეროუ დიდ ხნიან ურთიერთობაში იმყოფებოდა ვუდისთან.
პრევინი ამბობს, რომ ის ფეროუს არასდროს უყურებდა ისე, როგორც დედას.
“ის, რაც ვუდის დაემართა ძალიან საწყენია. მიამ კამპანია #MeToo სათავისოდ გამოიყენა და დილანი მსხვერპლად გაასაღა. ახლა მთელი თაობა არასწორ ინფორმაციას ისმენს.“
სუნ-ი ამბობს, რომ უჭირს, რაიმე სასიამოვნოს გახსენება თავისი ბავშვობიდან:
“მია ხანდახან ფეხებით მკიდებდა, რომ სისხლი ტვინს კარგად მიწოდებოდა. ის თვლიდა, ან სადღაც წაიკითხა, რომ ასე უფრო ჭკვიანი გავხდებოდი.“
ალენის ცოლმა ასევე მეუღლესთან ურთიერთობის ადრეულ სტადიაზეც ისაუბრა და აღნიშნა, რომ ისინი ერთმანეთის მიმართ დისტანციას ინარჩუნებდნენ, სანამ მან კოლეჯი არ დაამთავრა: “ჩვენ ორი მაგნიტივით ვიყავით, ერთმანეთს ძალიან ვიზიდავდით.“
ყველაფერი მაშინ გაირკვა, როდესაც ფეროუმ პრევინის შიშველი ფოტო იპოვა და ამის გამო ალენსაც და სუნ-ი-საც სკანდალი მოუწყო.
დასკვნების გაკეთება თქვენთვის მოგვინდია, მანამდე კი შეგახსენებთ, რომ 2014 წელს რეჟისორის შვილობილმა ვუდი ალენი სექსუალურ ძალადობაში დაადანაშაულა. ამის გამო მასთან მუშაობაზე ბევრმა მსახიობმა უარი თქვა.
