რობოტები და კოვბოები ბრუნდებიან. კომიკ-კონზე მაყურებელმა ველური დასავლეთის სამყაროს ახალი სეზონის თრეილერი იხილა. ვიდეო უამრავ კითხვას აჩენს: დასაწყისში ვხედავთ ბერნარდს, რომელიც მკვდარ ვეფხვს უყურებს – საიდან მოხვდა ცხოველი აქ? მეივი დახოცილი ადამიანებით არის გარშემორტყმული – ნუთუ ეს ადამიანები თავად დახოცა? დოლორესი ცხენზე იარაღმომარჯვებული მიქრის, შავქუდიან კაცს კი სახე სისხლით აქვს მოსვრილი.
პირველი სეზონის დასასრულს აღმოვაჩინეთ, რომ ველური დასავლეთის სამყაროს სიუჟეტი იმაზე ჩახლართული ყოფილა, ვიდრე თავიდან ჩანდა. ვილიამი, რომელიც უწყინარი ვიზიტორი გვეგონა, თურმე პარკში დაბერებულა, სანამ საბოლოოდ მოძალადე ბოროტმოქმედი არ გახდა. დოლორესს გაახსენდა საკუთარი მისია, ხოლო ბერნარდი წინასწარპროგრამირებული მკვლელი რობოტი ყოფილა.
Journey back to #Westworld in 2018.
Watch the Season 2 Trailer that played during the Hall H #WestworldSDCC panel at #SDCC2017. pic.twitter.com/y6WER4SK3Z— Westworld (@WestworldHBO) July 23, 2017
სერიალი 2018 წელს დაბრუნდება, მანამდე კი ალბათ სჯობს, პირველ სეზონს გადავხედოთ და გავიხსენოთ, რა და როგორ ხდებოდა ამ უცნაურ გასართობ პარკში.
