მსახიობი თინა მახარაძე სარეჟისორო დებიუტისთვის ემზადება. მან ცოტა ხნის წინ ვიდეო გაავრცელა, სადაც თავისი პროექტის შესახებ საუბრობს. ვიდეოს მაყურებელს და ინტერნეტის მომხმარებელს სურვილის შემთხვევაში ფულადი შემოწირულობის გაკეთება შეუძლია.
კამპანია indiegogo.com-ზე მიმდინარეობს. მახარაძის თქმით, ფილმი “MAMA“, ტრილოგიის პირველი ნაწილია და ერთი ოჯახის შესახებ მოგვიყვება. ფილმი გარკვეულწილად ავტობიოგრაფიული იქნება.
ვიდეოში ჩანს ფილმის პროდიუსერი გარა მუნოზი და ოპერატორი ვოლტერ რივერა, ასევე ამერიკელი რეჟისორი ამოს პო. რეჟისორის თქმით, თინა და გარა შესანიშნავი რეჟისორები არიან.
