ცოტა ხნის წინ ოფიციალურად დადასტურდა, რომ ტიმ ბარტონმა დისნეის კლასიკური, 1941 წელს გამოსული ანიმაციის დამბოს კინოვერსიის გადაღება დაიწყო. ცნობილი გახდა ასევე სამსახიობო ანსამბლი და სხვა დეტალები ფილმის შესახებ.
სამსახიობო ჯგუფი კი ნამდვილად ვარსკვლავურია: კოლინ ფარელი, მაიკლ კიტონი, დენი დე ვიტო და ევა გრინი. რაც შეეხება სიუჟეტს, ის მთავარი პერსონაჟის, ჰოლტ ფერიეს (კოლინ ფარელი) – ცირკის ყოფილი ვარსკვლავისა და ომის ვეტერანის გარშემო ვითარდება. მას ცირკის მფლობელი (დენი დე ვიტო) უზარმაზარყურებიანი პატარა სპილოს მოსავლელად დაიქირავებს. დირექტორის შვილები კი აღმოაჩენენ, რომ დამბოს ფრენა შეუძლია.
საყვარელი პატარა დამბოს და ბევრი სხვა ცხოველის გასაცოცხლებლად, დარწმუნებულნი ვართ, ბარტონი ვიზუალურ ეფექტებთან მუშაობის მთელ ოსტატობას მოუხმობს, და ფილმ ელისი საოცრებათა ქვეყანაში ეფექტების გათვალისწინებით, რეჟისორისგან მშვენიერ სანახაობას უნდა ველოდეთ.
ფილმად გადაღებულ დამბოს 2019 წლის 29 მარტს ვიხილავთ.
