მექსიკაში ნარკოსის გადაღებების ლოკაციის მენეჯერი, კარლოს მუნოზ პორტალი საკუთარ მანქანაში მოკლული იპოვეს. მას ცეცხლსასროლი იარაღიდან რამდენიმე ტყვია ჰქონდა მოხვედრილი. 37 წლის პორტალი მექსიკაში გადაღებებისთვის ლოკაციების არჩევდა. როგორც იცით, სერიალის მეოთხე სეზონი სწორედ მექსიკის – ხუარესის კარტელზე უნდა ყოფილიყო.
გარდაცვლილი უკანასკნელად ნახა თავისმა მეგობარმა, რომელიც მასთან ერთად მექსიკაში იმყოფებოდა. მეგობრის თქმით, პორტალი ლოკაციებისთვის ფოტოების გადასაღებად წავიდა. მისი ცხედარი კი მანქანაში რამდენიმე საათის შემდეგ იპოვეს. მანქანა აღმოაჩინეს ბინძურ ქუჩაზე, სან ბართოლომეს დასახლებაში, მეხიკოში, იდალგოს საზღვართან ახლოს. სტატისტიკის მიხედვით, მეხიკოში მხოლოდ ივლისის თვეში 182 ადამიანი მოკლეს. მეხიკოს რწმუნებულის განცხადებით, პორტალის მკვლელობის თვითმხილველები არ არიან.
პორტალის მეგობარი, რომელსაც სახელის გამხელა არ სურს, გამოთქვამს ვარაუდს, რომ შესაძლოა, უცნობი ადამიანის გამოჩენამ, რომელსაც კამერა ჰქონდა, ადგილობრივებში შიში გამოიწვია, რადგან იქაურობა დამნაშავეებითაა სავსე. “შეიძლება, მათ იფიქრეს, რომ პორტალი ინფორმაციას აგროვებდა და მას ჩუმად მანქანამდე გაჰყვნენ.”
პოლიციას კი ზუსტი ცნობები არ აქვს: “ჩვენ არ ვიცით, შეიძლება პორტალი იყო იდალგოში და მკვლელები მას იქიდან გამოჰყვნენ, ან პირიქით, იყო მეხიკოში და ცდილობდა, იდალგოში გაეღწია.”
წყარო: www.theguardian.com
