დღეს ცნობილი გახდა, რომ პოპულარული სერიალის, გოგონების შემქმნელი და მსახიობი ლენა დანჰემი ამერიკული საშინელებათა ისტორიის ქასთს უერთდება.
“თუ რაიანი ჩვენს შეშინებას ცდილობდა, ნამდვილად გამოუვიდა!” – წერს სერიალის ერთ-ერთი თაყვანისმცემელი ტვიტერზე. როგორც აღმოჩნდა, ფანების დიდი ნაწილი სულაც არ გაახარა ახალმა ამბავმა. თუმცა მათ განწყობას არ იზიარებს შოუს შემქმნელი რაიან მერფი, რომელსაც ლენასთან მუშაობის პერსპექტივა აშკარად ძალიან ახარებს.
ამერიკული საშინელებათა ისტორიის მეშვიდე სეზონი თანამედროვე დროში, ბოლო საპრეზიდენტო არჩევნების ღამეს დაწყებული ისტორიით გაიხსნება და ჩვენ კვლავ ვიხილავთ მის უცვლელ ვარსკვლავებს – სარა პაულსონსა და ევან პიტერსს.
