გასული წლის გაზაფხულზე ტელეარხმა FX-მა X-ადამიანების ერთ-ერთი დასამახსოვრებელი გმირის, ლეგიონის ცალკე ისტორია ტელეშოუს სახით შემოგვთავაზა, რამაც კომიქსების ფანების აღტაცება და ინტერესი გამოიწვია.
სერიალ ლეგიონის მთავარი გმირის როლი დენ სტივენსმა მოირგო – დევიდ ჰელერს შიზოფრენიის დიაგნოზს უსვამენ, თუმცა საპყრობილეში გამოკეტილი აცნობიერებს, რომ ხმები, რომლებიც მას ჩაესმის და კადრები, რასაც ხედავს, მისი გონებრივი აშლილობის ბრალი სულაც არაა და იგი მსოფლიოში ერთ-ერთი ყველაზე ძლევამოსილი მუტანტია. პირველი სეზონის სიუჟეტი სწორედ ჰელერის პერსონაჟის შინაგან სამყაროში მოგზაურობისა და საკუთარი ტელეპათური შესაძლებლობების აღმოჩენის გარშემო ტრიალებს.
შესანიშნავი ვიზუალური მხარე და დამაინტრიგებელი სიუჟეტი, რომელიც პირველ სეზონში განვითარდა, სუპერგმირთა პრეტენზიული ფანებისთვის სრულიად დამაკმაყოფილებელი აღმოჩნდა და ბევრი ელოდება სერიალის მეორე სეზონს, რომელიც სულ მალე, 3-4 აპრილს ბრუნდება. გადავხედოთ სერიალს, მის სიუჟეტსა და მასთან დაკავშირებულ მოვლენებს და შევხვდეთ მზად ლეგიონის მეორე სეზონს.
1. დევიდი შიზოფრენიკი არაა, თუმცა სიგიჟის ელემენტები მაინც აქვს
საზარელი მონსტრების ხილვები პერსონაჟს გონებრივი აშლილობის გამო არ აწუხებდა. მისტიკური დემონი ფარუკი, ჩრდილის მეფე დევიდს ბავშობიდანვე თან სდევენ, რის გამოც ექიმებს მას მცდარ დიაგნოზს უსვამენ. მიუხედავად ამისა, მის თავში არსებული დემონების გვერდით მუდმივი ცხოვრება ცხადია, პერსონაჟის ფსიქიკაზე თავის კვალს ტოვებს.
2. ჩრდილის მეფეს დევიდის გარდაცვლილი მეგობრის, ლენის სახე აქვს
ლენი (ობრი პლაზა) დევიდის უახლოესი მეგობარა, მაგრამ ის პირველივე – დევიდის მთავარი ტელეპათიური ეპიზოდის განმავლობაში იღუპება. თუმცა ამის შემდეგ ის მეგობრის კოშმარულ ხილვებში ინაცვლებს და ჩრდილის მეფე დევიდს სწორედ ლენის სახით ევლინება.
3. დევიდი შეყვარებულია
სერიალის დასაწყისში დევიდი სიდ ბარეტს (რეიჩელ კელერი) ხვდება და შეუყვარდება. თუმცა მათ სიყვარულს სერიოზული ბარიერები ეღობება – სიდიც მუტანტია: ვისაც ის შეეხება, სხეულს უცვლის, ამიტომ არავისთან აქვს ფიზიკური კონტაქტი გარდა დევიდისა, რომელთან ერთადაც გაქცევის წარმოუდგენელ გეგმას შეიმუშავებს.
4. მუტანტებთან ომი
სიდი მელანი ბერდის (ჟან სმარტი) დახმარებით დევიდს საკუთარი ხილვების გაშიფვრაში უწყობს ხელს და გაირკვევა, რომ ძალაუფლებისთვის მუტანტების ჯგუფები ერთმანეთს უპირისპირდებიან და ეს ყველაფერი უმაღლეს ეშელონებში ხდება. ორივე მხარეს დევიდის გადაბირება სურთ მისი უსაზღვრო ძალების გამო.
5. დევიდს იტაცებენ
პირველი სეზონის ბოლოს დევიდს იტაცებენ და სწორედ ახალი სეზონი გასცემს პასუხს, სად და რისთვის წაიყვანეს იგი.
6. კერი და კერი ლაუდერმილკი ერთი და იგივე პიროვნებაა
მელანის დამხმარეს, კერი ლაუდერმილკს (ბილ ირვინი), ჰყავს ქალი ორეული, კუნგ-ფუს ოსტატი, ასევე კერი ლაუდერმილკი (ამბერ მიდთანდერი), რომელსაც საკუთარი სხეულის ორად ქცევა შეუძლია. კერი და კერი თითქოს სხვადასხვა ადამიანები არიან, მაგრამ ერთმანეთისგან დიდხანს განცალკევებით მყოფები ძალას კარგავენ და გასაძლიერებლად კვლავ ერთ სხეულშ გაერთიანება ესაჭიროებათ.
7. დევიდი ნაშვილებია
ის ფატი, რომ დევივი თავისი მშობლების ბიოლოგიური შვილი არაა, პირველი სეზონის ერთ-ერთ მთავარი აღმოჩენა იყო. ის პატარაობაში იშვილეს და თავის ნამდვილ მშობლებს ჯერ კიდევ ეძებს. კომიქსში დევიდის მამა X-ადამიანების ლიდერი X-ადამიანებია. ლეგიონში არის დევიდის შვილად აყვანის ფლეშბექები, მათ შორის, ჩანს ბორბლებიანი სავარძელი ლეგენდარული X-ებით ბორბლებზე, თუმცა ის, რომ დევიდი ხავიერის ვაჟია, ჯერჯერობით გარკვევით არ თქმულა.
ლეგიონის მეორე სეზონს მაყურებელი FX-ზე 3 აპრილისთვის იხილავს.
