2017 წლის 3 ნოემბერს ეკრანზე მარველის ახალი ფილმი Thor: Ragnarok გამოდის, რომელშიც ქეით ბლანშეტი, ტომ ჰიდლსტონი, ბენედიქტ კამბერბეჩი, კრის ჰემსვორტი, იდრის ელბა და მარკ რუფალო თამაშობენ.
პრემიერის მოახლოებასთან ერთად, ახალ-ახალი დეტალები მჟღავნდება ფილმის შესახებ. როგორც ფუნკოს სათამაშოების ახალი ხაზის წარდგენიდან გაირკვა, რაგნაროკში ცეცხლოვან დემონ სურტურსაც ვიხილავთ.
სურტური ცეცხლის დამანგრეველ ძალას ასგარდის წინააღმდეგ გამოიყენებს. ფილმის თრეილერის პირველ სცენაში, ვხედავთ, როგორ ეშვება ჯაჭვით შებორკილი თორი ცეცხლოვან უფსკრულში. სავარაუდოდ, აქ უნდა შეხვდეს ელვისა და ქუხილის ღმერთი საშიშ დემონს.
ჯერჯერობით არ ვიცით, რამდენად მნიშვნელოვან როლს შეასრულებს სურტური სიუჟეტის განვითარებაში. სავარაუდოდ, ყურადღების ცენტრში მაინც ჰელა (ქეით ბლანშეტის გმირი) მოექცევა.
