ოსკაროსანი მსახიობი რიზ უიზერსპუნი ბოლო დროს ტელევიზიამ ძალიან გაიტაცა. დიდი პატარა ტყუილების შემდეგ ის კიდევ ერთ სერიალში, მინდის პროექტში მოგვევლინება.
ამის შესახებ განცხადება შოუს შემქმნელმა და მთავარი როლის შემსრულებელმა, მინდი კაპურმა გააკეთა. მან სულ რამდენიმე საათის წინ საკუთარ ინსტაგრამზე გამოაქვეყნა ფოტო გადასაღები მოედნიდან წარწერით:
რიზ უიზერსპუნი ერთადერთი ქალია, ვისთან ერთად გამოქვაბულში გამომწყვდევასაც ვისურვებდი.
როგორც ჩანს, რიზი მინდის პროექტის მხოლოდ ერთ ეპიზოდში, მოწვეული მსახიობის სახით მოგვევლინება. ჯერჯერობით უცნობია სხვა დეტალები მის როლთან დაკავშირებით, თუმცა მაყურებელს დიდხანს ლოდინი არ მოუწევს – შოუს მეექვსე სეზონის პრემიერა სულ რაღაც 2 კვირაში, 12 სექტემბერს შედგება.
