ერთხელ რაიან რეინოლდსმა იხუმრა, რომ ბლეიკ ლაივლი სექსის შემდეგ შეუყვარდა. ერთი შეხედვით, არც ისე რომანტიკულად ჟღერს, თუმცა, სინამდვილეში წყვილს ძალიან საინტერესო და ამაღელვებელი სიყვარულის ისტორია აქვს.
როგორც ცნობილია, რაიანი და ბლეიკი თავიდან მხოლოდ მეგობრები იყვნენ, რასაც ხელი მწვანე ლამპარმა შეუწყო. ისინი ხშირად აღნიშნავენ, რომ ურთიერთობის ამგვარმა დასაწყისმა მნიშვნელოვანი როლი ითამაშა მათი გრძნობების განვითარებაში.
ჩვენ ძალიან დიდი ხნის მანძილზე ვმეგობრობდით და ვფიქრობ, რომ ეს სასიყვარულო ურთიერთობისათვის საუკეთესო დასაწყისია.
ბლეიკი იხსენებს, რომ მეგობრობის პერიოდში ისინი ხშირად განიხილავდნენ თუ ვინ იქნებოდა საუკეთესო პარტნიორი მათთვის და ერთხელაც გადაწყვიტეს, რომ შანსი ერთმანეთისთვისაც მიეცათ.
სწორედ ეს არის, რასაც ჩვენს ურთიერთობაში ყველაზე მეტად ვაფასებ. ის პირველ რიგში ჩემი საუკეთესო მეგობარია. ამაშია ჩვენი ბედნიერების საიდუმლოც – ზოგადად, არ ვიცი ბედნიერების საიდუმლო რაშია, მაგრამ ჩემი ბედნიერების საიდუმლო ნამდვილად ეს არის.
წყვილის წასრულში მოიძებნება ისეთი ისტორიაც, როდესაც ისინი ორმაგ პაემანზე წავიდნენ – ბლეიკი სხვა ბიჭთან, რაიანი კი სხვა გოგოსთან ერთად. ცხადია, რომ ამ ცდამ არ გაამართლა, თუმცა, იმედგაცრუებული მეგობრები აშკარად წააქეზა იმისკენ, რომ ერთმანეთთან შეხვედრა დაეწყოთ.
ორივე მათგანი იხსენებს, რომ ერთმანეთის მიმართ სიყვარული პირველად რესტორანში იგრძნეს. ისინი სულ მარტონი იყვნენ საცეკვაო მოედანზე და, როგორც რაიანი აღნიშნავს, სწორედ მაშინ მიხვდა, რომ „ეს ბლეიკთან მოხდებოდა“.
შემდეგ მე ის სახლამდე მივაცილე და, ალბათ, ხვდებით, რომ ამის შემდეგ დეტალების გამხელას აღარ ვაპირებ.
ერთწლიანი ურთიერთობის შემდეგ წყვილმა 2012 წელს იქორწინა და დღესდღეობით ისინი 2 უმშვენიერესი გოგონას ბედნიერი მშობლები არიან.
