კინობასი მოგზაურობას აგრძელებს. კახეთში კინოჩვენებები გავმართეთ და ახალგაზრდების კინო გემოვნებაც შემოგთავაზეთ.
ქართლის რეგიონებში, კერძოდ კი გოროვანში, ბოლნისსა და მანგლისში გამოკითხვა ჩავატარეთ და როგორც აღმოჩნდა, გამოკითხულთა უმრავლესობა ჩემი ცოლის დაქალებს, შუა ქალაქს და თურქულ სერიალებს უყურებს.
შესაბამისად, საყვარელი ქართველი მსახიობები – კოტე თოლორდავა, ნინო გაჩეჩილაძე და გოგა ბარბაქაძე არიან. თუმცა რამდენიმემ კახი კავსაძე, ოთარ მეღვინეთუხუცესი და ზურა ყიფშიძეც დაასახელა.
რაც შეეხება უცხოურ სერიალებს, გამოკითხულთა უმრავლესობა თურქულ სერიალებს ანიჭებს უპირატესობას – ისეთებს, როგორებიცაა ნაადრევი ფრინველი, თეთრი საყელო, პირობა და ძმა. სიაში, ალბათ არ გაგიკვირდებათ, სამეფო კარის თამაშებიც მოხვდა.
ახალგაზრდების საყვარელი მსახიობი ჯეკი ჩანი აღმოჩნდა, ლიდერობს თურქი მსახიობი – მურატ ილდიმირიც, ანჯელინა ჯოლი და ჯიმ ქერიც.
რაც შეეხება ნაციონალურ ფილმს, როგორც აღმოჩნდა ქართლის რაიონში ქართული ფილმები ძალიან უყვართ – უდიპლომო სასიძო, სიყვარული ყველას უნდა და იმერული ესკიზები ქართლელების საყვარელი ფილმებია.
