სტენლი კუბრიკის უკვდავი კლასიკის Eyes Wide Shut გამოსვლიდან უკვე 20 წელი გავიდა, თუმცა აღმოჩნდა, რომ ფილმი იმაზე მეტი საიდუმლოებით არის მოცული, ვიდრე გვეგონა.
იცოდით, რომ ქეით ბლანშეტი ფილმში ერთ-ერთ ყველაზე მნიშვნელოვან პერსონაჟს ახმოვანებს?
ცოტა ხნის წინ მსახიობმა ებიგაილ გუდმა აღიარა, რომ ნიღბებიანი წვეულების დროს, როდესაც მისი პერსონაჟი ტომ კრუზის გმირს ესაუბრება, ხმა რეალურად ორი ოსკარის მფლობელ ბლანშეტს ეკუთვნის.
20 წლის განმავლობაში ამ ინფორმაციას საიდუმლოდ მალავდნენ. თანაც, იმდენად, რომ ბლანშეტის სახელი არც IMDb-ზე არის მითითებული.
ის, რომ ხმა სწორედ ქეითს უნდა ჩაეწერა, ტომ კრუზისა და ნიკოლ კიდმანის იდეა ყოფილა.
“სტენლი უკვე გარდაცვლილი იყო, როდესაც დუბლირებას ვიწყებდით. აღმოჩნდა, რომ ჩემი საუბარი ბევრისთვის, იმის გამო, რომ ამერიკული აქცენტი არ მქონდა, გაუგებარი იყო. სწორედ ამიტომ, ნიკოლმა და ტომმა პროდიუსერებს შესთავაზეს, რომ ორგიის სცენაში სწორედ ქეითს გავეხმოვანებინე” — ამბობს გუდი.
ინფორმაცია დაადასტურა სტენლი კუბრიკის ასისტენტმა ლეონ ვიტალმაც.
“დიახ, ეს ქეით ბლანშეტის ხმაა. ჩვენ გვსურდა ვინმე, ვისი ხმაც იქნებოდა თბილი და მგრძნობიარე, სწორედ ამიტომ შევაჩერეთ არჩევანი ქეითზე”, — ამბობს ვიტალი.
