გალ გადოტმა დღეს თავის ინსტაგრამს მიმართა და გვამცნო, რომ ქალი საოცრებას მომდევნო ფილმი “ქალი საოცრება: 1984“-ის გადაღებები დასრულებულია.
ჩვენ ეს შევძელით! როგორც პირველი ფილმის გადაღების პროცესი, ესეც ასეთივე საოცარი და განსაკუთრებული იყო. გადაღებები სამ ქვეყანაში ოთხ ლოკაციაზე მიმდინარეობდა. მე ვამაყობ ჩემი გადამღები ჯგუფით, რომელთა საერთო რაოდენობა 1000 შეადგენდა, რომლებიც ყოველ დღე მოდიოდნენ გადასაღებ მოედანზე და ბოლომდე იხარჯებოდნენ.
ამაზე კარგ პარტნიორებზე ვერც კი ვიოცნებებდი. ძალიან გამიმართლა, რომ ჩემი რეჟისორი ერთადერთი და განუმეორებელი პეტი ჯენკინსი იყო. ის ყოველთვის გვამხნევებდა და ცდილობდა ჩვენში საუკეთესო შემოქმედებითი მუხტი განევითარებინა. მადლიერი ვარ, რომ მას შემიძლია მეგობარი ვუწოდო. მადლობა ჩვენს არაჩვეულებრივ სამსახიობო შემადგენლობას, რომლებმაც ყოველი სამუშაო დღე სასიამოვნოდ აქციეს.
ფილმი 2020 წლის 4 ივნისს გამოვა.