Apple Corps და WingNut Films-მა პიტერ ჯექსონთან ერთად დაიწყეს ახალ ფილმზე მუშაობა, რომელიც “The Beatles”-ის ალბომ “Let it Be”- ს შექმნაზე მოგვითხრობს. ფილმში გამოყენებული იქნება 55 საათიანი ვიდეომასალა, რომელიც მაშინ ჩაწერეს, როდესაც, 1969 წელს, ჯგუფი სტუდიაში ალბომზე მუშაობდა. ვიდეომასალა აქამდე გამოყენებული არსად ყოფილა.
“Let It Be”, ჯგუფის მე-13 და ბოლო სტუდიური ალბომია, რომელიც 1970 წელს გამოვიდა. 1969 წლის იანვარში, ჯგუფის წევრებმა გადაწყვიტეს ალბომის შექმნის შესახებ ფილმი გადაეღოთ და თვეების მანძილზე მათი შრომა სტუდიაში ვიდეოზე იბეჭდებოდა.
“ჩვენთვის წარმოდგენილი 55 საათიანი ვიდეო მასალა და ხმის ჩაწერის 140 საათი, ჯგუფის ფანებს იმას აჩუქებს, რაზეც ისინი დიდიხანია ოცნებობენ.- ამბობს ჯექსონი,- თითქოს დროის მანქანა გვაბრუნებს 1969 წელში, იმ პერიოდში, როდესაც ოთხი მეგობარი სტუდიაში გენიალურ მუსიკას ქმნიდა”
ჯექსონი ფილმს იმავე ტექნიკის დახმარებით შექმნის, რომლითაც მან პირველი მსოფლიო ომის ფილმისთვის “ისინი არ დაბერდებიან” ძველი კინომასალები აღადგინა.
“The Betles”-ზე დოკუმენტური ფილმის გამოსვლის თარიღი ჯერ-ჯერობით უცნობია
