Big Little Lies-ის ვარსკვლავი, ზოი კრავიცი და კარლ გლასმენი სულ მალე პარიზში გრანდიოზული ქორწილის გადახდას გეგმავენ.
მართალია, წყვილი უკვე ოფიციალურად ცოლ-ქმარია, თუმცა ოფიციალური ცერემონიისა და წვეულების მოწყობას ახლა აპირებენ.
როგორც მოსალოდნელი იყო, ჰოლივუდელი წყვილის ქორწილს ბევრი ვარსკვლავი დაესწრება, მათ შორის არიან მისი კოლეგები HBO-ს სერიალიდან და სხვა მსახიობები, პროდიუსერები, თუ რეჟისორები.
თუმცა, დიდ მიღებამდე კრავიცმა და გლასმენმა წინასაქორწილო წვეულება მოაწყეს, რომელსაც რიზ უიზერსპუნი, ლორა დერნი, კარა დელევინი, დენზელ ვაშინგტონი, კრის პეინი, მარისა ტომეი და სხვა მსახიობები ესწრებოდნენ.
