საფრანგეთში ქურდობის ბრალდებით დაკავებული ქართველი მსახიობი და რეპერი კახა აბუაშვილი, იგივე “კაბუ” პატიმრობიდან გაათავისუფლეს, როგორც მსახიობის ოჯახის წევრები იუწყებიან ამ ეტაპზე კაბუ საქართველოში დაბრუნებას არ გეგმავს.
შეგახსენებთ, აბუაშვილი ქურდობის ბრალდებით საფრანგეთში 2018 წლის 18 აპრილს დააკავეს. მაშინ სპეცოპერაცია ევროპის ორ ქვეყანაში ჩატარდა. საქართველოს შინაგან საქმეთა სამინისტროს ინფორმაციით, დაკავებულებს შორის იყვნენ 4 ქართველი ე.წ. “კანონიერი ქურდი”. ამასთან, დაკავებულები იყვნენ სხვადასხვა სიმძიმის დანაშაულში ბრალდებული საქართველოს მოქალაქეები, მათ შორის – კახა აბუაშვილი. იგი სასჯელს საფრანგეთის ციხეში იხდიდა.
აბუაშვილს მაყურებელი ფილმებიდან გასეირნება ყარაბაღში 2, ბოლო გასეირნებაში, “ქაღალდის ნავში”, მიდიოდა მატარებელში და სერიალ ჩემი ცოლის დაქალებში შესრულებული როლებით იცნობს.
