წელს, საკულტო კომედიას ნიღაბი 25 წელი შეუსრულდა. მაიკ რიჩარდსონი, რომელმაც შექმნა კომიქსი, რომლის მიხედვითაც შემდგომ გადაიღეს ეს ფილმი, აღნიშნავს, რომ რიმეიკის გადაღების იდეა არსებობს და მთავარ როლში შესაძლებელია ქალი ვიხილოთ.
“ამ გმირის როლში სიამოვნებით კარგ კომედიანტ ქალს ვიხილავდი. უკვე მყავს შერჩეული ერთი მსახიობი, თუმცა სახელების გამხელას არ ვაპირებ. თუმცა აღვნიშნავდი, რომ მის დასათანხმებლად ბევრი ჩალიჩი დამჭირდება.”
კომიქსებში ნიღაბი ქალმა უკვე მოირგო. შემქმნელი ამბობს, რომ ნიღბის მთელი ეშხი იმაშია, რომ მისი მორგება ნებისმიერ ადამიანს შეუძლია.
