მარტინ სკორსეზემ, ერთ-ერთ საუბარში აღნიშნა, რომ მას ძალიან არ მოსწონს ფილმებში მსახიობების გაახალგაზრდავების ტექნოლოგიების გამოყენება. რეჟისორის აზრით, მიუხედავად იმისა, რომ ეს ტექნოლოგია ხელს უწყობს კანიდან ნაოჭების მოშორებას, ადამიანის თვალები ისევ ისეთი რჩება.
“ცვლის, კი, ეს პროგრამა თვალებს? შეგვიძლია თუ არა დავუბრუნოთ თვალებს ძველებური სიცოცხლის ხალისი? მიზანდასახულობა? ან რომელიმე ასეთი თვისება? არ ვიცი, არ ვიცი….” თქვა სკორსეზემ.
ახლა, სკორსეზე ამთავრებს მუშაობას ფილმზე “The Irishman”, რომელშიც გაახალგაზრდავების ტექნოლოგია ბევრჯერ არის გამოყენებული. ფილმი მოგვითხრობს ფრენკ შირენზე , ზედმეტსახელად “ირლანდიელი” (Irishman), რომელსაც 25 განგსტერის მკვლელობას მიაწერენ. ფილმის მოქმედება სხვადასხვა დროის მონაკვეთში ვითარდება და ამიტომაც რობერტ დენიროს, ალ პაჩინოსა და ჯო პეშის გასაახალგაზრდავებლად გრაფიკაა გამოყენებული.
