მიუხედავად იმისა, რომ სერიალი დექსტერი ხუთი წლის წინ დასრულდა, შოუს ვარსკვლავი, მაიკლ ს. ჰოლი იმედოვნებს, რომ ის გაგრძელდება.
სერიული მკვლელის, დექსტერ მორგანის ამბავი 2006 წელს დაიწყო და რვა სეზონის განმავლობაში გადიოდა ტელეეთერით.
The Daily Beast-სთან მიცემულ ინტერვიუში ჰოლმა სერიალის ფანებს იმედი გამოუღვიძა:
მე ყოველთვის ვამბობდი, ‘არასოდეს თქვა არასოდეს’. ვიცი, რომ ინტერნეტშიც გავრცელდა ამბავი, რომ ‘ის’ დაბრუნდება.
სერიალის დასასრულმა ბევრი კითხვა დატოვა და მაყურებელს დასასრულის გრძნობა არ დაუტოვა.
რა ფორმით დაბრუნდება სერიალი, იქნება ეს ახალი სეზონი თუ რიბუთი, ამას ალბათ, მალე გავიგებთ.
