მაიკლ ბ. ჯორდანმა და კინოსტუდია Warner Bros.-მა მარლონ ჯეიმსის ფენტეზის ჟანრის რომანი, “Black Leopard, Red Wolf“-ის უფლებები შეიძინეს.
რომანი აფრიკულ მითოლოგიას იყენებს და გვიხატავს გმირს, რომელსაც ყნოსვის საოცარი შესაძლებლობები აქვს. მას დაკარგული ბავშვის მოსაძებნად დაიქირავებენ, თავგადასავალი კი სულ უფრო და უფრო საშიში ხდება. რომანში ვხვდებით ჯადოქრებს, მრავალსახოვან ლეოპარდს, მკვლელ აფთარს და სხვა უცნაურ არსებებს.
წიგნი “ბნელი ვარსკვლავის” ტრილოგიის პირველი ნაწილია. გადაღებები, სავარაუდოდ, მალე დაიწყება.
variety.com
