არგენტინელი რეჟისორი ლუკრესია მარტელი ისლანდიელი მუსიკოსის, ბიორკის თეატრალურ კონცერტს გადაიღებს, რომლის სახელწოდებაც Cornucopia-ა. კონცერტი მხოლოდ რვაჯერ გაიმართება, 6 მაისიდან 1 ივნისის შუალედში.
კონცერტი მომღერალსა და ნიუ იორკის ახალ საგამოფენო ცენტრის, The Shed-ის ერთობლივი პროექტია. კონცერტი ჯონ ტიფანის უნდა გადაეღო, თუმცა დროის შეუთავსებლობის გამო, მარტელი მოიწვიეს. ბიორკის თქმით, Cornucopia მისი ყველაზე თამამი წარმოდგენა იქნება, სადაც ვიზუალი და ხმა სრულყოფილად შეზავდება ერთმანეთთან.
ზამას რეჟისორი ასე გამოეხმაურა შეთავაზებას:
ძალიან მეამაყება, რომ საშუალება მაქვს ვითანამშრომლო მსოფლიოში ერთ-ერთ ყველაზე ნოვატორ ქალთან მუსიკის სამყაროში. ბიორკთან თანამშრომლობა პირდაპირი პასპორტია 22-ე საუკუნეში.
cinematropical.com
