არგენტინელი რეჟისორი ლუკრესია მარტელი ვენეციის კინოფესტივალის ჟიურის პრეზიდენტი იქნება. ფესტივალის 76-წლიან ისტორიაში ის მეშვიდე ქალი იქნება, რომელიც ჟიურის წარუძღვება. ბოლო წლებში ფესტივალზე ქალთა ბალანსის ზრდა სულ უფრო თვალშისაცემია.
ფესტივალის დირექტორმა, ალბერტო ბარბერამ მარტელი ლათინური ამერიკის ყველაზე მნიშვნელოვან ქალ რეჟისორად მოიხსენია. მარტელის ფილმოგრაფია ოთხ მხატვრულ ფილმს, უამრავ მოკლემეტრაჟიან და დოკუმენტურ ფილმს ითვლის. მისი უკანასკნელი ფილმი ზამა ვენეციის კინოფესტივალზე იყო ნაჩვენები 2017 წელს.
ვენეციის 76-ე კინოფესტივალი 28 აგვისტოდან 7 სექტემბრამდე გასტანს.
indiewire.com
