15 წელი გავიდა მას შემდეგ, რაც Friends დასრულდა, თუმცა, ის დღემდე რჩება ყველა დროის ყველაზე დიდებულ სიტკომად და რაც მთვარია, ხალხის სიყვარული შოუსადმი სულ უფრო იზრდება.
ჯენიფერ ენისტონმა, ლიზა კუდროუმ, კორტნი კოქსმა, დევიდ შვიმერმა, მეთიუ პერიმ და მეთ ლებლანკმა მოახერხეს და სამყაროს ექვსი ისეთი პერსონაჟი აჩუქეს, რომლებთან მეგობრობაზეც თითოეული ჩვენგანი ოცნებობს.
თუ გგონიათ, რომ ამ შეუდარებელი მსახიობების ურთიერთობა ეკრანს მიღმა არ გრძელდება, ძალიან ცდებით!
თითოეული მათგანი დღესაც უახლოესი მეგობარია და შაბათ-კვირასაც ხშირად ატარებენ ერთად. განსაკუთრებით ახლო ურთიერთობა აქვთ მონიკას, რეიჩელისა და ფიბის როლის შემსრულებელ მსახიობებს.
ამის ნათელი მაგალითია ისიც, რომ მსახიობების ინსტაგრამი, ძირითადად, მათი ერთობლივი ფოტოებით არის სავსე და ჩვენც, Friends-ის ფანები, თითოეულ პოსტს სულმოუთქმელად ველით.
სულ ცოტა ხნის წინ ლიზა კუდროუმ გაგვახარა და კორტნი კოქსთან გადაღებული ძალიან სასაცილო ფოტო გაგვიზიარა.
