რეჟისორმა კვენტინ ტარანტინომ თავის ახალ ფილმზე გამომცემლობა “USA Today”-სთან ისაუბრა, უფრო კონკრეტულად კი ლეონარდო დიკაპრიოსა და ბრედ პიტის მიერ განსახიერებული პერსონაჟები დაახასიათა:
ადამიანი, რომელიც შეუმდგარი კარიერის გამო მუდმივ შინაგან დიკომფორტს და საკუთარი თავის მიმართ სიბრალულს განიცდის, მაგრამ წარუმატებლობას რა თქმა უნდა გარშემომყოფებს აბრალებს, ასეთია ჩვენი რიკი. – საუბრობს დიკპარიოს პერსონაჟზე ტარანტინო.
რაც შეეხება ტრიუკების ოსტატ კლიფორდ ბუტს, რომელსაც ბრედ პიტი ანსახიერებს ტარანტინო ასე აღწერს:
მას კოვზით, ფურცლით ან სავიზიტო ბარათით შეუძლია ადამიანი სიცოცხლეს გამოასალმოს. მისი მწყობრიდან გამოყვანა პრაქტიკულად შეუძლებელია. იგი უდრეკი და შეუვალია.
შეგახსენებთ რომ სურათის ძირითადი მოვლენები 1969 წლის ჰოლივუდში, შერონ ტეიტის გახმაურებული მკვლელობის ფონზე ვითარდება. მკვლელობის ორგანიზატორი ლეგენდარული დამნაშავე ჩარლზ მენსონია. ეპოქალური ცვლილებები ცნობილი მსახიობი, რიკ დალტონისა და მისი კასკადიორის კლიფორდ ბუტის ცხოვრებას თავდაყირა აყენებს.
ფილმში აგრეთვე მარგო რობი, ალ პაჩინო, კურტ რასელი, ტიმ როტი, ემილ ჰირში, ლუკ პერი, დაკოტა ფენინგი, ჯეიმს მარსდენი, დემიენ ლიუსი და ტიმოტი ოლიფანტი მონაწილეობენ.
