15 ივნისს Friends-ის ლეგენდარულ მსახიობ კორტნი კოქსს დაბადების დღე ჰქონდა. ჰოლივუდის ვარსკვლავი 55 წლის გახდა.
ვისთან ერთად უნდა აღენიშნა დაბადების დღე მონიკა გელერის როლის შემსრულებელს, თუ არა მის საუკეთესო მეგობრებთან და კოლეგენთან – ჯენიფერ ენისტონთან და ლიზა კუდროუსთან ერთად.
“როგორი იღბლიანი ვარ, რომ დაბადების დღეს ამ ორთან ერთად აღვნიშნავ? ძალიან მიყვარხართ გოგოებო”, — დაწერა ინსტაგრამზე გამოქვეყნებულ ფოტოზე კორტნიმ.
კოტრნის დაბადების დღის აღსანიშნავად, ინსტაგრამზე ფოტო ლიზა კუდროუმაც დადო.
“ახლა გამახსენდა, რომ ყოველთვის შენზე უფროსი ვიქნები კორტნი. გილოცავ დაბადების დღეს საყვარელო”, — წერს ფიბი ბუფეს როლის შემსრულებელი.
