აზიური კინოს მე-12 დაჯილდოებაზე ჩან იმოუს ჩრდილმა ოთხ ნომინაციაში გაიმარჯვა, თუმცა ოთხივე ტექნიკურ კატეგორიებში, საუკეთესო ფილმად კი ჰიროკაძუ კორეედას წვრილმანი მძარცველები დასახელდა. გარდა ამისა, ფილმმა საუკეთესო მუსიკის კატეგორიაშიც გაიმარჯვა.
საუკეთესო რეჟისორად ჩენ-დონ ლი (ალმოდებული) დასახელდა. ფილმი მთლიანობაში 8 ნომინაციაზე იყო წარდგენილი. კორეელ რეჟისორს საპატიო ჯილდოც გადაეცა. სამადლობელ სიტყვაში მან აღნიშნა, რომ ის არ იმსახურებს ამ ჯილდოს და ჯერ კიდევ საკმაოდ ახალგაზრდაა.
საუკეთესო კაც მსახიობად იაკუშო კოჯი (“The Blood of Wolves”) დასახელდა, ხოლო საუკეთესო ქალ მსახიობად – სამალ იესლიამოვა (“Ayka”).
საუკეთესო სცენარისტად ჯია ჟანკე (“Ash is Purest White” ) დასახელდა.
აზიური კინოს დაჯილდოება ჰონგ-კონგის საერთაშორისო კინოფესტივალის ბაზაზე შექმნილი დაჯილდოებაა, რომელიც 2007 წლიდან იღებს სათავეს. 2013 წლიდან მას აზიური კინოს დაჯილდოების აკადემია ატარებს.
აზიური კინოს მე-12 დაჯილდოების ცერემონიალი ჰონგ-კონგში 17 მარტს გაიმართა.
variety.com
