კრისტოფერ მონოლის რეფოტოგრაფირების პროექტი: ჰოლივუდის ცნობილი სცენებისა და რეალური ლოკაციების შერწყმა

კრისტოფერ მონოლი 1977 წლის 4 აგვისტოს კანადაში, კერძოდ კი ონტარიოში დაიბადა და ადრეული ასაკიდან დაინტერესდა ცხოვრებისეული მომენტებისა და მნიშვნელოვანი კადრების ფირზე აღბეჭდვით. მან რეფოტოგრაფირების პროექტით გაითქვა სახელი და მიმდინარე ეტაპზე გასაოცარ სანახაობას გვთავაზობს.

2012 წელს კრისტოფერმა ექსპერიმენტი ჩაატარა, რითაც ფოტოგრაფირების სამყაროში ახალ მიმდინარეობას ჩაუყარა სააფუძველი. მისი საქმიანობიდან გამომდინარე, იგი ბევრს მოგზაურობს, მხოლოდ იმიტომ, რომ ფირზე აღბეჭდოს ის ლოკაციები, სადაც ჰოლივუდის ყველაზე ცნობილ და დასამახსოვრებელ სცენებს იღებდნენ. მისი იდეა მარტივია, იგი ორიგინალი ფილმის ერთ-ერთი სცენის შავ-თეთრ ფოტოსურათს, ათავსებს რეალურ ლოკაციაზე და შემგომ იღებს ფოტოსურათებს, რაც მნახველისათვის გამაოგნებელი კონტრასტსა და ამასთან ერთად სიამოვნების ეფექტს ქმნის.

კრისტოფერმა საკუთარი ნამუშევრებით საკმაოდ გაითქვა სახელი. მისი ფოტოსურათები სხვადასხვა ცნობილ ჟურნალში, კერძოდ კი, „Esquire“-ში, „Complex“-ში, „Wired“-ში, „Fast Company“-სა და „Vanity Fair“-ში იბეჭდებოდა. ასევე, მისი ფოტოსურათების გამოფენა 2013 წელს „Cannes Film Festival“-სა და „Ischia Film Festival“-ზე მოეწყო.