რამდენიმე დღის წინ ამერიკის კინოაკადემიის პრეზიდენტმა ინფორმაცია გაავრცელა, რომ ოსკარის დაჯილდოების ცერემონიალზე საუკეთესო ოპერატორის, მონტაჟის, მოკლემეტრაჟიანი დოკუმენტური ფილმისა და გრიმის ნომინაციების გამარჯვებულები სარეკლამო ჭრების დროს გამოვლინდება, რაც იმას ნიშნავს რომ მაყურებელი ზემოთხსენებული კატეგორიების გამარჯვებულებს პოსტ-ფაქტუმ შეიტყობს.
პრეზიდენტის განცხადებას ჰოლივუდის არაერთი კინომოღვაწის მხრიდან უარყოფითი გამოხმაურება მოჰყვა. კინოაკადემიის წინააღმდეგ ალფონსო კუარონმაც გაილაშქრა, რომელიც ფილმ რომასთვის ოპერატორისა და მონტაჟის კატეგორიაშია ნომინირებული.
კინოაკადემიამ აღნიშნულ საკითხზე განმარტებები გააკეთა, მათი წარმომადგენლის თქმით ოთხ კატეგორიაში ნომინანტების წარდგენის, დაჯილდოებისა და მადლობის სიტყვის ნახვა ტელეშოუს ბოლო ნაწილში კოლაჟების საშუალებით შეეძლებათ.
