როგორც ჩანს, კიანუ რივზი და ვაინონა რაიდერი უკვე 26 წელია, დაქორწინებულები არიან.
46 წლის მსახიობმა ერთ-ერთ ინტერვიუში ისაუბრა, რომ ის და კიანუ ფილმ “დრაკულას” გადაღებისას ნამდვილად დაქორწინდნენ. ვაინონამ შემდეგ განმარტა, რომ ქორწილის სცენის გადაღებისას ფრენსის ფორდ კოპოლამ კადრში ნამდვილი მღვდელი გამოიყენა, რომელმაც მთელი რიტუალი ზედმიწევნით შეასრულა და მსახიობი სწორედ ამიტომ ფიქრობს, რომ ის და რივზი რეალურ ცხოვრებაშიც ცოლ-ქმარი არიან.
“უცნაური ამბების” ვარსკვლავის საუბედუროდ, მის “მეორე ნახევარს” ეს განსაკუთრებული დღე სულაც არ ახსოვდა, სანამ თავად ვაინონამ არ შეახსენა, რომ ეს ვალენტინობის დღეს მოხდა.
ახლა კიანუ და ვაინონა ახალ ერთობლივ ფილმზე მუშაობენ სახელწოდებით Destination Wedding და ეს სახალისო ფაქტი სწორედ ამ ფილმის სარეკლამო კამპანიის ფარგლებში მიცემული ინტერვიუს დროს გაიხსენეს.
Destination Wedding-ის სცენარის მიხედვით ვაინონასა და კიანუს პერსონაჟებს თავიდან ერთმანეთი დიდად არ მოსწონთ, თუმცა ნელ-ნელა მათ საერთო ინტერესი გააერთიანებთ და ერთმანეთის მიმართ გრძნობებიც უჩნდებათ. ეს უკვე მსახიობების მეოთხე კოლაბორაციაა დიდ ეკრანებზე და ფაქტია, რომ ისინი ერთმანეთს საკმაოდ კარგად უგებენ. ერთ-ერთ გამოცემასთან მიცემულ ინტერვიუში კიანუმ ისაუბრა, რომ ვაინონა შესანიშნავი ადამიანი და ნიჭიერი მსახიობია.
მართლაც, რა ჯობია შეხმატკბილებულ თანამშრომლობას? კიანუსა და ვაინონას კიდევ ერთ ნამუშევარს სულ მალე, 31 აგვისტოდან ვიხილავთ.
