ლოკარნოს საერთაშორისო კინოფესტივალის საკონკურსო სექციაში Pardi di Domani შედგება ქართველი რეჟისორის – ამირან დოლიძის მოკლემეტრაჟიანი ფილმის მსოფლიო პრემიერა.
„ცხოველი“ ეროვნული კინოცენტრის მხარდაჭერით შექმნილი ფილმია. იგი ახალგაზრდა, უმუშევარი კაცის შესახებ გვიყვება, რომელსაც რთულ პირობებში უჭირს თავისი წესიერების შენარჩუნება.
ლოკარნოს საერთაშორისო კინოფესტივალი შვეიცარიაში 1946 წლიდან იმართება. იგი ცნობილია როგორც აღმოჩენების ფესტივალი, რადგან მრავალი კინორეჟისორის თუ მსახიობის წარმატებული კარიერა ლოკარნოში დაიწყო.
წყარო: GNFC.GE
