მართალია ოსკარის დაჯილდოება ახლახანს მოვიტოვეთ, მაგრამ 2018-19 წლის დაჯილდოებების სეზონი სულ რაღაც ორ თვეში, კანის კინოფესტივალით დაიწყება. დაჯილდოებების სეზონზე უკვე მნიშვნელოვან ფილმად Amazon-ის “ლამაზი ბიჭი” მოიაზრება, სადაც მთავარ როლებს ტიმოთი შალამე და სტივ კარელი ასრულებენ.
ფილმს ბელგიელი რეჟისორი, ფელიქს ვან გროენინგენი იღებს და ის რომანის ადაპტაციაა. წიგნი მამა-შვილის ურთიერთობაზე მოგვითხრობს. ბიჭი მეტამფეტამინზე დამოკიდებული ხდება და მამა მის დახმარებას ცდილობს. სწორედ ამგვარი დრამატული როლის გამო, შალამეს უკვე მოიაზრებენ ოსკარის მეორე ნომინანტობისთვის.
ფილმი კინოთეატრებში 12 ოქტომბერს გამოდის, ეს კი იმას ნიშნავს, რომ მისი პრემიერა ტელურაიდის ან ტორონტოს კინოფესტივალზე შედგება.
