ჯულია რობერტსის შესაყვარებლად უამრავი მიზეზი არსებობს, ერთ-ერთი ასეთი კი ის არის, რომ მსახიობი ხშირად ამბობს უარს განსაკუთრებულ პრივილეგიებზე და როცა ამის საშუალება ეძლევა, ყოველთვის ამჯობინებს, ხალხის გვერდით იყოს.
ამის მაგალითი იყო ისიც, რომ ოსკაროსანმა მსახიობმა VIP მომსახურებაზე უარი თქვა და ერთ-ერთ რესტორანში, რიგში ხალხთან ერთად ჩადგა.
ამჯერად კი მსახიობმა პირად თვითმფინავზე თქვა უარი და ხალხთან ერთად იმგზავრა.
მსახიობი ლონდონიდან ვინიპეგში მიემგზავრებოდა, სადაც მისი ქმარი დენი მოდერი ახალ ფილმზე მუშაობს.
რობერტსი ვინიპეგში ოჯახთან ერთად გასულ კვირასაც იყო, შემდეგ კი ლონდონში ჩავიდა, სადაც მისი მეგობრის, Notting Hill-ის სცენარის ავტორის რიჩარდ კურტისის მიწვევით იმყოფებოდა.
