როგორ ფიქრობთ, თქვენ აღნიშნავდით თქვენი შინაური ფრინველის დაბადების დღეს? მიუძღვნიდით სოციალურ ქსელში ფოტოს და მისალოც ტექსტს? სანამ ამაზე დაფიქრდებით, მანამდე გეტყვით, რომ ჯენიფერ გარნერმა გუშინ ქათმების დაბადების დღე აღნიშნა.
46 წლის მსახიობმა ინსტაგრამზე საკმაოდ საინტერესო ფოტო გამოაქვეყნა, სადაც აღბეჭდილია, თუ როგორ აღნიშნავდა ის თავისი ქათმების პირველ დაბადების დღეს.
“რთული დასაჯერებელია, რომ უკვე ერთი წელი გავიდა, რაც ეს ქალბატონები გამოიჩეკნენ. ისინი ძალიან სწრაფად იზრდებიან. ” – ასე დაასათაურა პოსტი მსახიობმა.
ვარსკვლავებს რომ თავიანთი შინაური ცხოველების მიმართ განსაკუთრებული დამოკიდებულება აქვთ, ეს არავის უკვირს, თუმცა, ქათმის დაბადების დღის აღნიშვნა, ნამდვილად, რაღაც ახალია.
