2017 წლის ერთ-ერთი ყველაზე მომგებიანი ფილმი პარალელურად უკვე ფემინისტური იდეოლოგიის მამოძრავებელ ძალადაც იქცა. ქალი საოცრებას მთავარი გმირის სექსუალური გარეგნობისა და გაბედული ხასიათის გამო მილიონობით ფანი გამოუჩნდა, უფრო მეტად კი გალ გადოტის პერსონაჟი ქალების რჩეული ფილმი გახდა. მიუხედავად ამისა, რეჟისორი ჯეიმს კამერონი აღნიშნულ ფილმთან ფემინისტური მიღწევების ასოცირებით უკმაყოფილოა.
კამერონს აქამდე არაერთი ძლიერი და ფემინისტური ღირებულებების მატარებელი პერსონაჟი შეუქმნია, ამის მაგალითად მის მიერ გადაღებული სარა კონორის ისტორიაც კმარა. შესაბამისად, საკუთარი სტილის მიხედვით იგი ქალის ძლიერებას მისი ქმედებებითა და ხასიათით გამოხატავს და არა სექსუალური კაბებით.
არ ვამბობ რომ ფილმი არ მომეწონა, მაგრამ ჩემთვის, ეს უკან გადადგმული ნაბიჯია. სარა კონორი არ იყო ქალური სილამაზის მაგალითი. ის იყო ძლიერი, პრობლემებით სავსე, ცუდი დედა და მაინც დაიმსახურა მაყურებლისგან პატივისცემა მისი გაბედულობის გამო. ჩემთვის ასეთი პერსონაჟებისგან მიღებული სარგებელი აშკარაა. მაყურებელი ხალხის ნახევარი ხომ ქალებისგან შედგება
მიუხედავად ცნობილი რეჟისორის მიერ გაკრიტიკებისა, ქალი-საოცრება მაინც ერთ-ერთ ყველაზე შემოსავლიან ფილმად რჩება.
