აქუამენისა და ხერხის რეჟისორმა ჯეიმს ვანმა ანაბელის ახალი ნაწილის პიარ-კამპანიის ფარგლებში მომავალ სპინოფზე ისაუბრა.
სცენარი ჯერ არ დასრულებულა, ამ მომენტში დეტალებზე ვმუშაობთ, ამიტომ წინასწარ ბევრს ვერაფერს გეტყვით. ერთადერთი რაც ზუსტად ვიცი აქუამენის სპინოფი უფრო ჰორორი იქნება ვიდრე სუპერგმირული კინო. მიუხედავად ამისა ყველაფერი DC-ის სამყაროს ფარგლებში განვითარდება.
სპინოფი ორიგინალ ნაწილში გამოჩენილი მონსტრების ისტორიას მოგვითხრობს. სხვა დეტალები ამ ეტაპზე უცნობია. ფილმის პრემიერა 2022 წლის 16 დეკემბერს არის დაგეგმილი.
