“იგი” საშინელებათა ჟანრის ყველაზე მაღალშემოსავლიანი ფილმია

ენდი მუსკეტის სტივენ კინგის რომანის მიხედვით გადაღებული ფილმი “იგი” ახალ რეკორდებს ამყარებს.

გარდა იმისა, რომ საშინელებათა ჟანრის ეს ფილმი IMDB-ს რეიტინგის მიხედვით 8.0 – ია, ფილმის შემოსავალმა რეკორდულ მაჩვენებელს 400 მილიონ ამერიკულ დოლარს მიაღწია, რაც ამ ჟანრის ფილმისთვის სენსაციაა,თანაც განსაკუთრებით მაშინ, როცა ადაპტაციის გადაღება სულ რაღაც 35 მილიონი დოლარი დაჯდა.

კიდევ ერთი რამ, რაც “იგი”– ს სხვა საშინელებათა ჟანრის ფილმებისგან გამოარჩევს, მისი ხანგრძლივობაა – ფილმი 2 საათსა და 15 წუთს გრძელდება, რაც წარმოუდგენლად საშიში დროა ამ ჟანრის ნაწარმოებისთვის.

ცოტა ხნის წინ კი ცნობილი გახდა, რომ შემოქმედებითმა ჯგუფმა ფილმის მეორე ნაწილის სცენარზე მუშაობა უკვე დაიწყო.