2018 წელს გამოსულმა ჰელოუინმა მოკრძალებული ათმილიონიანი ბიუჯეტით 255 მილიონი დოლარი მოიპოვა და სლეშერ-ჰორორის ჟანრს ახალი სიცოცხლე აჩუქა. სიქველი მხოლოდ დროის საკითხი იყო, კინოსტუდია Blumhouse-მა მეორე ნაწილზე მუშაობა ოფიციალურად დაიწყო.
სერიულ მკვლელ მაიკლ მაიერსის წინააღმდეგ კვლავ ჯემი ლი კერტისი იბრძოლებს. პროექტში მსახიობები ჯუდი გრირი და ენდი მეტიჩაკი ითამაშებენ. რეჟისორის სკამს პირველი ნაწილის ავტორი დევიდ გორდონ გრინი დაიკავებს. ერთ-ერთი პროდიუსერი ფრენჩაიზის ავტორი და ორიგინალი ფილმის რეჟისორი ჯონ კარპენტერი იქნება.
პირველი ჰელოუინი 1978 წელს გამოვიდა და მალევე საკულტოს სტატუსი მოიპოვა. მას შემდეგ არაერთი სიქველი და რებუთია გადაღებული, სულ ფრენჩაიზი თერთმეტი ფილმისგან შედგება.
