80 წლის ასაკში თეატრისა და კინოს ქართველი მსახიობი გურანდა გაბუნია გარდაიცვალა.
1960 წელს გურანდა გაბუნიამ საქართველოს თეატრალური ინსტიტუტის სამსახიობო ფაკულტეტი დაამთავრა . მიღებული აქვს საქართველოს სახალხო არტისტი წოდება. 1997 წელს გახდა ფოთის საპატიო მოქალაქე. მიღებული აქვს ღირსების ორდენი, იყო კოტე მარჯანიშვილის სახელობის პრემიის ლაურეატი.
ნათამაშები აქვს 20-მდე ქართულ ფილმში, მათ შორის თოჯინები იცინიან, მზე შემოდგომისა, დათა თუთაშხია, “თბილისი ჩემი სახლია”.
სხვადასხვა დროს იყო მარჯანიშვილის, რუსთაველისა და რუსთავის დრამატული თეატრის მსახიობი.
