27 იანვარს შვედეთის ქალაქ გეტებორგში მიმდინარე კინოფესტივალზე ფანტასტიკური დრამის “ანიარა” პრემიერა გაიმართება. შვედური ფილმის სიუჟეტი მომავალში, კოსმოსურ ხომალდზე ვითარდება, რომელიც დედამიწაზე მომხდარი გლობალური ყინვისა და ბირთვული ომის ფონზე კაცობრიობის უკანასკნელი იმედია. მომავლის კიდობანში ძალიან დიდ ადგილს ჰიპერმარკეტები იკავებს, გადარჩენილები აქაც კონსიუმერიზმის მსხვერპლი ხდება. ერთხელაც მფრინავ პლანეტას მარშრუტი აერევა და ადამიანთა მოდგმის ნარჩენი საზოგადოება გაურკვეველი მიმართულებით არსად აგრძელებს მოძრაობას.
ფესტივალის დირექტორმა იონას ჰოლმბერგმა კინოდარბაზში რეგულარულ სკამებთან ერთად რკინის კუბოების იგივე სარკოფაგების დამონტაჟებაც სცადა, რათა მაყურებელმა კლაუსტროფობიული გარემო და უიმედობის ატმოსფერო უფრო მძაფრად შეიგრძნოს.
სულ კინოთეატრში 33 სარკოფაგი იფუნქციონირებს.
