ცოტა ხნის წინ რუსმა კრიტიკოსმა გაავრცელა ინფორმაცია, რომლის მიხედვითაც რუსეთის კინოთეატრებში დექსტერ ფლეტჩერის ფილმს Rocketman ცენზურა შეეხო და გეი სცენები ამოიჭრა.
სინემანია საქართველოს კინოთეატრებს დაუკავშირდა და ინფორმაცია გამოითხოვა, თუ რა ვერსიით იხილავს ქართველი მაყურებელი ფილმს. როგორც აღმოჩნდა, შესაძლოა, ეკრანებზე ფილმი ორი ვერსიით ვიხილოთ: გეი სცენებით და მის გარეშე.
ცნობილია, რომ ქართული დისტრიბუციის ძირითადი ნაწილი რუსულ ბაზარზეა მიბმული. სწორედ ამიტომ, არ იქნება გასაკვირი, თუ ქართველი მაყურებელი ელტონ ჯონის შესახებ გადაღებულ ბიოპიკს ამოჭრილი სცენით იხილავს.
განახლება:
ახალი ამბის გამოქვეყნების შემდეგ, სინემანიას კინოთეატრის საზოგადოებასთან ურთიერთობის უფროსი დაუკავშირდა, რომელმაც გვითხრა, რომ ფილმის ქართულ პრემიერამდე ერთი დღით ადრე ჯერ კიდევ არ იციან ცენზურით გავა ფილმი, თუ მის გარეშე.
ფილმი ტრადიციულად ყველა ენაზე იქნება, ხოლო ცენზურიანი ვერსია იქნება თუ უცენზურო ამჟამად მიმდინარეობს მოლაპარაკებები ამ საკითზე დისტრიბუტორ კომპანიასთან.
საკითხის გარკვევისთანავე სინემანია დამატებით ინფორმაციას მოგაწვდით.
