ფორსაჟი 9-ის ათწუთიან მონაკვეთს თბილისში გადაიღებენ. ინფორმაციას ამის შესახებ ბიზნესპრესნიუსი ავრცელებს.
წყაროზე დაყრდნობით გამოცემა წერს, რომ გადაღებები თბილისში აგვისტოში იგეგმება.
გადაღებებთან დაკავშირებით საქართველოს დედაქალაქს ჰოლივუდიდან 200-მდე სტუმარი ეწვევა. ამასთანავე ჩამოჰყავთ სპეცტექნიკა, მათ შორის სპეცტრაილერი, რომელიც ფილმის სიუჟეტის თანახმად, ბეთანიაში დიდი სიმაღლიდან გადავარდება.
ბიზნესპრესნიუსის ინფორმაციით თბილისში გადაღებებზე $5 მილიონის დახარჯვა იგეგმება.
ფორსაჟის მეცხრე ნაწილის პრემირა 2020 წელს იგეგმება, მთავარ როლებს კი ვინ დიზელი, დუეინ ჯონსონი, მიშელ როდრიგესი და სხვა მსახიობები ასრულებენ.
