ელ ვუდსი ბრუნდება!
რიზ უიზერსპუნმა და MGM-მა ახალხანს კონტრაქტი გააფორმეს ქერათმიანი ადვოკატის მესამე ნაწილის გადასაღებად. წინა ფილმების სცენარისტები, კირსტენ სმიტი და კარენ მაკკულაჰი კვლავ ბრუნდებიან, ისევე როგორც პროდიუსერი, მერც პლატი. უიზერსპუნი მესამე ფილმისთვის კიდევ ერთ ამპლუას მოირგებს, ისიც პროდიუსერი იქნება.
ჯერ კიდევ უცნობია დაუბრუნდებიან თუ არა ვუდსის სხვა დაქალებიც ეკრანს, თუმცა ახალი ფილმი მისთვის დამახასიათებელი კომედიური ელემენტებით იქნება სავსე.
ქერათმიანი ადვოკატი პირველად 2001 წელს, 17 წლის წინ გამოვიდა.
