თორი: რაგნაროკის გამოსვლიდან მცირე ხანი გავიდა, “მარველმა” კი სულ ცოტა ხნის წინ კიდევ ერთი ფილმის – Avengers: Infinity War-ის თრეილერი გამოაქვეყნა. სანამ ფანები მარველის კინოსამყაროს ახალ შედევრს ელიან, დროა გავცეთ პასუხი კითხვას: რომელია Marvel Studios-ის საუკეთესო ფილმი?
ორმა დამოუკიდებელმა კრიტიკოსმა დაწვრილებით განიხილა “მარველის” აქამდე გამოსული 16-ივე ფილმი და მათი რეიტინგები, ასევე მაყურებლის გამოხმაურებები, შემდეგ მათ შედეგები შეაჯერეს და მიიღეს მაქსიმალურად ზუსტი რეიტინგი, რომელსაც ქვემოთ წარმოგიდგენთ.
რასაკვირველია, შეიძლება მიმდევრობას ბევრი არ დაეთანხმოს, მაგრამ შეფასებების საშუალო არითმეტიკულმა სწორედ ეს შედეგი აჩვენა.
16) რკინის კაცი 2 (2010)
რკინის კაცი 2 ცდილობს, დარჩეს ფანების საყვარელი გმირის თავგადასავლად და ამავე დროს მარველის კინოსამყაროს მასშტაბებსაც გადასწვდეს. ეს “მარველის” პირველი განაცხადია გაცილებით დიდ სამყაროზე, რომელსაც სამომავლოდ განავითარებს და ცხადია, ამ ფილმში სტუდიას ჯერ ზუსტად არ აქვს ჩამოყალიბებული, რას აპირებს. “მარველის” ფილმებიდან რკინის კაცი 2 ერთადერთია, რომელზეც უმეტესობა თანხმდება, რომ ცუდია.
ვფიქრობთ, ამ ფილმში მიკი რურკის ღვაწლი მაინც დასაფასებელია.
15) შესანიშნავი ჰალკი (2008)
შესანიშნავი ჰალკი ნამდვილად არ აღმოჩნდა შესანიშნავი. მეტიც, მოსაწყენადაც შეფასდა. ბრიუს ბანერი არამარტო უინტერესო პერსონაჟია, არამედ სიუჟეტიც არ შეეფერება მძაფრსიუჟეტიან ფილმს. მის წარუმატებლობაზე ის ფაქტიც მეტყველებს, რომ მარველს მეტი ჰალკცენტრიკული ფილმი აღარც გადაუღია.
14) თორი: ბნელი სამყარო (2013)
შურისმაძიებლების ცალკეულ პერსონაჟებზე დამოუკიდებელი ფილმების შექმნის “მეორე ფაზა”. თორი: ბნელი სამყაროს გმირებს პიროვნულობის არქონას და სიუჟეტს გაუმართაობას უჩივიან.
თუმცა, არ შეიძლება არ აღინიშნოს ტომ ჰიდლსტონის ლოკი, რომლის ნახვაც ნემისმიერ ფილმში ღირს. სწორედ ამის გამოა, რომ ეს ფილმი სიის ბოლოში არ დგას.
13) თორი (2011)
თორი ახალი ნაბიჯი აღმოჩნდა “მარველისთვის”, რაც იმით გამოიხატა, რომ ტონი სტარკი და მისი ახირებული მსოფლმხედველობა კენეთ ბრანასეული თორის მომნუსხავი და პოეტური ამბით შეიცვალა. ის ასევე სტუდიის პირველი ფილმია, რომელშიც ქარიზმატული ვილანები – ლოკი და მემენტო გამოჩნდნენ.
12) რკინის კაცი 3 (2013)
რკინის კაცის ამ ნაწილს ზოგი მეტისმეტად მაღალ ქულას უწერს, ზოგიც – მეტისმეტად დაბალს. ორივე ჯგუფს საკუთარი არგუმენტები აქვთ. ფილმის შუა ნაწილი – რომელიც ტონი სტარკისა და პატარა ბავშვის სახალისო ამბავს წარმოადგენს – ერთ-ერთი ყველაზე საყვარელი მონაკვეთია, რაც მარველის ფილმებში გვინახავს. თუმცა ამას ვერ ვიტყვით მთლიან სიუჟეტზე.
11) ანთ-მენი (2015)
ანთ-მენში “მარველმა” განსხვავებული მწერკაცა პერსონაჟი გამოიყვანა. ამავე ფილმში გამოჩნდა მარველის პრობლემა ქალ პერსონაჟებთან – ფილმის გმირი ევანგელინ ლილი მთელი გულით ცდილობს მოქმედებაში ჩართვას, თუმცა ყოველთვის აჩერებენ კაცები. ფილმის სუსტი მხარეა ვილანიც, თუმცა მთლიანობაში ანთ-მენი საინტერესო საყურებელია.
10) დოქტორი სტრეინჯი (2016)
დოქტორი სტრეინჯის გამხსნელი საბრძლო სცენა “მარველის” ერთ-ერთ შედევრად შეიძლება ვაღიაროთ. მისი ვიზუალური ეფექტების გათვალისწინებით შეიძლება “მარველის” მომავალი ვიწინასწარმეტყველოთ და “დაღლილი სუპერგმირის” იდეას სამუდამოდ დავემშვიდობოთ.
9) კაპიტანი ამერიკა: პირველი შურისმაძიებელი (2011)
კაპიტანი ამერიკა 3-ც, ისევე როგორც მარველის ფილმების მესამე ნაწილები, ერთი მთლიანი გაუგებრობაა. თუმცა თავისი ღირსებები, რასაკვირველია, გააჩნია და ერთ-ერთია კრის ევანსი. ჰეილი ეტველის პეგი კარტერი კი “მარველის” ერთ-ერთი საუკეთესო ქალი გმირია.
9) თორი: რაგნაროკი (2017)
მიუხედავად იმისა, რომ ფილმი უკვე შეაფასეს თორის ფილმებიდან საუკეთესოდ, მასში რამდენიმე ნარატივია გაერთიანებული, რომლებიც საბოლოოდ საინტერესო განვითარებისკენ არ მიდის. თუმცა ტაიკა ვაიტიტის რეჟისორობით გადაღებულ თორში ხუმრობები ნამდვილად ძლიერია, მოქმედება ჩამთრევი, მსახიობური თამაში კი ბრწყინვალე.
8) გალაქტიკის მცველები (2014)
გალაქტიკის მცველები “მარველის” თამამი ცდა იყო, რომელშიც სტუდიამ შეამოწმა, შეეძლო თუ არა ერთმანეთისგან ფრიად განსხვავებული, უცნობი, კოსმოსური სუპერგმირების შეკრება და 1) სასიამოვნო 2) გლობალურად წარმატებული ფილმის გაკეთება.
დიახ და დიახ. კრის პრატის გასაოცარი პერფორმანსის გარდა ფილმს ღირსებას სძენენ სრულიად ახალი, ორიგინალური გმირები – ჰუმანოიდი ენოტები, მოლაპარაკე ხეები და სხვ. – რომლებიც სრულიად მოშორებულები არიან ტონი სტარკის, შურისმაძიებლებისა და ადამიანების სამყაროს.
7) ადამიანი-ობობა: შინ დაბრუნება (2017)
შინ დაბრუნება ადამიანი-ობობას ერთ-ერთი საუკეთესო ფილმია, თუმცა რამდენიმე ფაქტორის გამო ის უფრო ზემოთ ვერ მოხვდა. ერთ-ერთი მიზეზია ის, რომ შინ დაბრუნებას ლაიტმოტივად გასდევს რკინის კაცის სიუჟეტი, რაც პიტერ პარკერის გარშემო განვითარებულ ისტორიას ჩრდილავს. თინეიჯერი პიტერ პარკერის მომენტები, ისევე როგორც ტომ ჰოლანდის სპაიდერმენი, ფილმის მთავარი ღირსებებია.
6) შურისმაძიებლები: ალტრონის ერა (2015)
ალტრონის ერა შურისმაძიებლების სიქველია და შინაარსი მასშტაბური პრობლემის წინაშე მდგარი სამყაროს გარშემო ვითარდება. ის გამორჩეულია ძლიერი პერსონაჟებითა და გლობალურობით.
5) გალაქტიკის მცველები 2 (2017)
გალაქტიკის მცველები 2 ცხოველი ენერგიით, შესანიშნავი იუმორით გამორჩეული ფილმია, რომელიც შეუძლებელია სხვაში აგერიოთ. კოსმოსური ოპერის პირველი ფილმის წარმატების შემდეგ გამოსული სიქველი “მარველის” ნამდვილი მარგალიტია.
4) კაპიტანი ამერიკა: სამოქალაქო ომი (2016)
კაპიტანი ამერიკის ეს ფილმი “მარველის” ახალი მიმართულებაა, რომლითაც მან გარკვეულწილად პოლიტიკური განაცხადი გააკეთა. სიუჟეტში მთავარი სირთულე არა უცხოპლანეტელთა წინააღმდეგ ბრძოლა კი არა, ორ სუპერგმირს შორის სამკვდრო-სასიცოცხლო დაპირისპირებაა. მრავალმხრივი, საინტერესო პერსონაჟების სიმრავლე სულაც არ ტოვებს ზედმეტობის შთაბეჭდილებას.
3) რკინის კაცი (2008)
2008 წელს გამოსული რკინის კაცი დღემდე სტუდიის ყველაზე საამაყო და დახვეწილი პროდუქტი გამოდგა. სიუჟეტის ყურადღების ცენტრში არის ყველასთვის კარგად ნაცნობი პერსონაჟი – ისევე, როგორც სხვა სუპერგმირულ ფილმებში. დახვეწილი, განვითარებული ვიგილანტი რობერტ დაუნის სარკასტული პერფორმანსით გვამახოვრებს თავს, ვიდრე მეტალის კოსტიუმით. მაგრამ ეს მთავარი არაა. ფილმის სიუჟეტი დახვეწილი პოლიტიკური დრამაა, რომლის პარალელურადაც თვალს ვადევნებთ გმირის პიროვნულ ზრდას.
2) კაპიტანი ამერიკა: ზამთრის ჯარისკაცი (2014)
ზამთრის ჯარისკაცის სიუჟეტი “მარველის ტრადიციული სიუჟეტური ხაზიდან გადახვევაა. ის ღრმად პერსონალური ფილმიცაა და მარველის კომპლექსური სამყაროს ერთ-ერთი საინტერესო შრეც. ფილმი სტივ როჯერსისა და შავი ქვრივის ურთიერთობაზეა აგებული. როჯერის ბავშვობის მეგობრის, ბაკი ბერნსის შეუჩერებელ მკვლელ მანქანად დაბრუნება კი სიუჟეტის დამატებით სიცოცხლეს სძენს.
1) შურისმაძიებლები (2012)
და ისიც – საუკეთესო საუკეთესოთა შორის! თუ “მარველის” ბიზნეს სტრატეგიის კუთხით შევაფასებთ, ზამთრის ჯარისკაცი და რკინის კაცი უდავოდ საუკეთესოები არიან. მაგრამ ვერცერთი სხვა ფილმი ვერ მოიცავს ერთდროულად ყველაფერს, რასაც “მარველი” საუკეთესოდ აკეთებს, ვიდრე შურისმაძიებლები.
მხოლოდ იდეაც კი – Marvel-ის უდიდესი გმირები (პლუს ახალი გმირი ქორისთვალა (Hawkeye) ერთად შეეფუთათ – დაუჯერებელ სიგიჟედ მოჩანდა, მაგრამ რეჟისორ-სცენარისტ ჯოს უიდონის ხელში ასეთმა თამამმა აზრმაც შეისხა ხორცი. შედეგად კი მივიღეთ გრანდიოზული, გასართობი, დაძაბული ფილმი – ზუსტად ისეთი, როგორადაც წარმოუდგენია მაყურებლის უდიდეს ნაწილს კომიქსის ფილმად ადაპტაცია. მათი აზრით, სწორედ ასეთი სახით უნდა გააცოცხლონ საყვარელი კომიქსების გმირები თანამედროვე ფილმებში, რაც “მარველს” ნამდვილად საუკეთესოდ გამოსდის.
